IGIHE.com > Amakuru > U Rwanda
“Banque Lambert” iracyahombya abakomeje kuyizirikaho

“Banque Lambert” iracyahombya abakomeje kuyizirikaho


Yanditswe kuya 1-04-2013 - Saa 16:47' na Thamimu Hakizimana

"Banque Lambert” uburyo bwo kugurizanya utanze ingwate y’ikintu ugahabwa ingurane y’amafaranga uvuze igihe uzayishyurira, wakirenza ugahomba, hariho abakibunambaho, ariko bikabatera guhomba.

Nubwo ubwo buryo bwo kugurizanya amafaranga bwaciwe, benshi baracyabukoresha mu ibanga, ku buryo hari bamwe bitangira ubuhamya ko bwabahombeje, mu gihe uwagwatije ibye kwishyura iyo bimunaniye, ibyo yari yatanze bikegukanwa n’uwamuhaye amafaranga , cyangwa akamuca amande.

Hagenimana Olivier, umwe mu bakoresheje uburyo bwa Banque Lambert, avuga ko igikoreshwa rwihishwa hirengagijwe ko yaciwe, ati "Njye maze gutakaza ibintu bihwanye na miliyoni ebyiri z’abanyarwanda kuko mperutse guhabwa amafaranga ibihumbi 500 ku itariki ya 1 Mutarama 2013, ngomba kuyishyura ku ya 1 Werurwe 2013, nkamwungukira amafaranga ibihumbi 200, ariko sinayabona bityo moto yanjye nari nagwatije bahita bayintwara!”

Hagenimana avuga ko yari afite moto ebyiri, zose zikaba zaratikiriye muri "banque Lambert" yabuze amafaranga yo kwishyura.

Yakomeje avuga ko Lambert iteza ibibazo mu bantu kuko mbere itaracibwa abantu bakiranurwaga n’ubutabera, ariko ubu ntaho wajya kurega kuko ikora rwihishwa, n’abayigana bikaba ari ku bushake bwabo.

Aime utuye i Nyamirambo avuga ko we yahombye televiyo ya "flat screen" yari yaraguriye Dubai ku mafaranga ibihumbi 500 y’u Rwanda, nyuma akaza guhura n’ibibazo ajya kuyigwatiriza muri "Lambert" bamuha ibihumbi 250 agomba kuyishyura mu cyumweru, akanarenzaho ibihumbi 55.

Akomeza avuga ko atayaboneye igihe kuko yarengejeho umunsi umwe gusa, maze agiye kureba uwo yayigwatirijeho amusaba imbabazi, amubwira ko byarangiye kubera amasezerano bari bagiranye.

Akomeza avuga ko yamusabye imbabazi undi aranga ahubwo amubwira ko agomba kumwongerera amafaranga make kugira ngo iyo televiziyo ibe iye kuko atari we wamubwiye ngo arenze igihe cyo kwishyura. Iyo televiziyo ngo ababazwa n’uko nta n’amezi atatu yari ayimaranye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO