IGIHE.com > Amakuru > U Rwanda
Kigali: Umuhinde yatewe icyuma(Updated)

Kigali: Umuhinde yatewe icyuma(Updated)


Yanditswe kuya 19-11-2012 - Saa 20:19' na Mathias Hitimana

Mu ma saa moya z’umugoroba, Umuhinde watahaga yerekeza iwe avuye gucuruza aguye mu gico cy’abantu babiri, bamukubita ikintu mu mutwe baramukomeretsa.

Abaturage biganjemo abazunguza mu Mujyi wa Kigali rwagati ku nzu yo kwa Ndamage na Kigali City Tower, ugana kuri Sulfo, bagize uruhare rwo gutabaza Polisi, batubwiye ko Umuhinde yatewe icyuma ku ijosi no mu gahanga.

Ntezimana Jean Bosco wagize uruhare mu guta muri yombi uwafashwe mu bakekwaho kugirira nabi Umuhinde yagize ati "Twe twirukaga duhunze Polisi kuko twari mu kuzunguza mu muhanda, Umuhinde atunyuraho, azamuka atashye aho acumbitse muri etaje, tugiye kumva twumva umuntu aratatse, tuzamutse dukubitana na babiri biruka baraduhutaza dufata umwe.”

Ntezimana akomeza agira ati “N’uwo twari dufashe yagize atya aba araducitse, tumwirukankanye, ahita asimbuka etaje agwa mu kazu k’amazi.”

Abo baturage bagerageje kugundagurana n’uwo ushinjwa ubugizi bwa nabi, bahise batabaza Polisi, twahageze dusanga inzego z’umutekano nazo ziri gukingura akazu k’amazi yari yaguyemo imbere.

Umuhinde we yahise ajyanwa ku bitaro byitiriwe Umwami Faisal.

N’ubwo ababonye umuhinde ava amaraso bagakeka ko ari icyuma bamuteye, Umuvugizi wa Polisi mu Mujyi wa Kigali, Supt. Albert Gakara yadutangarije ko Polisi yavuganye n’Umuhinde mu bitaro byitiriwe Umwami Faisal, ababwira ko ari ikintu bamukubise mu mutwe inyuma,hafi y’ijosi.

Uwafashwe yavunitse bikomeye akaguru.

Supt. Albert Gakara, avugana na IGIHE mu gitondo cyo kuwa 20 Ugushyingo, yatangaje ko uwafashwe atari kwemera ko yabikoze, ariko Polisi igahamya ko ukurikije ibimenyetso bafite birimo ibyo babwiwe n’abagize uruhare mu kumufata, bizeye ko ukuri kugaragara.

Kubera ko yavunitse igufa ry’ukuguru ubwo yasimbukaga muri etaje, ari mu bitaro bya Polisi ku Kacyiru.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO