Kwamamaza Tigo_ digital garden

Bugesera : Abahinzi b’inanasi bongererewe ubumenyi none umusaruro wikubye gatatu

Yanditswe kuya 26-01-2013 saa 11:06' na Marie Chantal Nyirabera
     


Abahinzi b’inanasi mu buryo bwa kijyambere bahuriye muri koperative COCUABI mu Mudugudu wa Rukoronko, Umurenge wa Mwogo, Akarere ka Bugesera, bavuga ko ubu buhinzi bwavanye mu bukene nyuma y’ubufasha bagiye bahabwa n’umushinga PICROPP.
Murangwa Eric ushinzwe abahinzi ahitwa Mwogo, yabwiye IGIHE ko ku buso bwa hegitari eshatu mbere basaruragaho toni imwe mu kwezi, ariko ubu basaruraho toni eshatu nyuma y’uburyo bwa kijyambere bigishijwe n’umushinga w’abayapani w’ubuhinzi bw’imbuto n’imboga (...)

Abahinzi b’inanasi mu buryo bwa kijyambere bahuriye muri koperative COCUABI mu Mudugudu wa Rukoronko, Umurenge wa Mwogo, Akarere ka Bugesera, bavuga ko ubu buhinzi bwavanye mu bukene nyuma y’ubufasha bagiye bahabwa n’umushinga PICROPP.

Murangwa Eric ushinzwe abahinzi ahitwa Mwogo, yabwiye IGIHE ko ku buso bwa hegitari eshatu mbere basaruragaho toni imwe mu kwezi, ariko ubu basaruraho toni eshatu nyuma y’uburyo bwa kijyambere bigishijwe n’umushinga w’abayapani w’ubuhinzi bw’imbuto n’imboga PICROPP.

Agoronome ushinze ubuhinzi bw’imbuto n’imboga wa PICROPP, Tomoki Nakamura, avuga ko abaturage bakanguriwe gutera imbuto nziza, bayitera mu buryo bwa kijyambere aho batera inanasi ku mirongo basiga akanya kabugenewe kandi bakabikora mu buryo zigenda zikora mpane eshatu hagati y’imirongo ibiri zinyuranamo.

Yongeraho ko bituma amazi yazanwa n’isuri atazitwara, ubu buhinzi bukaba bwifashisha ifumbire y’imborera ; abaturage batayifite bakaba barahawe amahugurwa y’uko ikorwa mu byatsi.

Munyeragwe na Ukwishaka, abahinzi bo muri koperative COCUABI, bavuga ko ubu umusaruro w’inanasi ubinjiriza amafaranga menshi, bikabafasha kwikemurira ibibazo no kwiteza imbere.

Bavuga ko ugereranyije n’ubuso baba bahinzeho babona umusaruro ubahagije, kandi ngo amahugurwa bahawe abafasha kugenda bagura indi mirima bateramo inanasi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved