IGIHE.com > Amakuru > U Rwanda
Buruseli : Abagera ku 1500 mu myigaragambyo kubera urupfu rwa Willy Ishimwe

Buruseli : Abagera ku 1500 mu myigaragambyo kubera urupfu rwa Willy Ishimwe


Yanditswe kuya 28-12-2012 - Saa 17:42' na Rene Anthere Rwanyange na Karirima A. Ngarambe

Abakuru, urubyiruko barimo Abanyarwanda n’abanyamahanga bagera ku 1500, kuri uyu wa Gatanu tariki ya 28 Ukuboza kuva saa munani n’iminota mirongo ine n’itanu z’igicamunsi ni ukuvuga saa cyenda n’iminota mirongo ine n’itanu ku isaha yo mu Rwanda, bakoze imyigaragambyo yo kwamagana iyicwa rya Ishimwe Willy Karimwabo no gusaba ko ubutabera bwakora neza akazi kabwo.

Nk’uko tubikesha umunyamakuru wa IGIHE, Karirima A. Ngarambe uri mu Bubiligi, imyigaragambyo yabereye i Buruseli yatangiriye kuri Place de la Justice ikomereza Mont des Arts isorezwa ku Ngoro y’ubutabera (Palais de la Justice) y’u Bubiligi.

Imyigaragambyo yitabiriwe n’abanyarwanda ndetse n’abanyamahanga biganjemo cyane urubyiruko, amagambo bakoreshaga yamaganaga urugomo, bagaragaza ko babajwe cyane n’urupfu rwa Ishimwe Willy Karimwabo, banasaba ko ubutabera bwakora akazi kabwo neza.

Ibyapa bari bafite byari byanditseho amagambo agira ati “Que Justice soit faite”, “Stop a la violence » n’andi menshi.

Uretse abo mu muryango wa Ishimwe, imyigaragambyo yari yitabiriwe n’abanyeshuri biganaga, abahagarariye Diaspora mu Bubiligi, abadipolomate bavuye muri Ambasade y’u Rwanda mu Bubiligi, abanyamahanga ariko abenshi muri bo bakaba bari urubyiruko ruri mu kigero cy’imyaka 20.

N’ubwo uru rugendo rwabaye, imvura yari yose byabereye bamwe inzitizi, ntibashobore kwifatanya n’abandi.

Iyi myigaragambyo yakurikiranwe n’abanyamakuru benshi, byerekana ko ikibazo cyahagurukiwe kandi biribuvugweho cyane.

Inkuru turakomeza kuyikurikirana.

Amafoto : Karirima A. Ngarambe

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO