IGIHE.com > Amakuru > U Rwanda
Cadillac irahumuriza abayigana ko idahagaze burundu

Cadillac irahumuriza abayigana ko idahagaze burundu


Yanditswe kuya 19-11-2012 - Saa 09:06' na IGIHE

Nyuma y’uko ku wa Gatandatu tariki ya 17 Ugushingo, kamwe mu tubyiniro kazwi muri Kigali, Cadillac VIP kibasiwe n’inkongi y’umuriro, ubuyobozi bwayo buratangaza ko ubu bugiye gukora ibishoboka byose ngo imirimo yahakorerwaga yongere itangire.

Nyiri Cadillac, Eugene Habimana uzwi ku izina rya Cobra ngo ashimishijwe n’uko nta muntu waburiye ubuzima bwe mu nkongi y’umuriro yabaye.

Akomeza anyomoza abavuga ko ngo inkongi y’umuriro yaba yaratewe n’ubushake ati ”Bishoboka bite kuri iy’isi nafata umugambi wo gusenya business yanjye ? Aha ni ho honyine nkura imibereho ikindi kandi business yanjye yagendaga neza.”

Yongera kwibaza ati “Nasenya nte ubucuruzi bwanjye twegereje ibihe by’iminsi mikuru ari nabwo haboneka inyungu nyinshi ?”

Nk’uko The New Times ibitangaza, Cobra yizeye ko mu mezi make ari imbere ibintu bizongera bikajya mu buryo.

Bamwe mu baganiriye na IGIHE bari kuri Cadillac banze ko dutangaza amazina yabo, batangaje ko mbere gato y’uko inkongi ifata Cadillac habanje kuza abavugabutumwa bigisha ijambo ry’Imana, basaba abinjiragamo guhunga. Abo bavugagabutumwa b’ijambo ry’Imana, ngo bazengurutse twinshi mu tubyibiro two muri Kigali.

Kugeza ubu icyateye inkongi ntikiramenyekana, ariko abakozi bakoraga muri Cadillac batangaje ko yaturutse mu gikoni ikaza gukwira n’ahandi hose.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO