Caritas-Rwanda yatanze miliyoni zirenga 20 mu Kigega Agaciro

Yanditswe na Olivier Muhirwa
Kuya 3 Mata 2013 saa 05:21
Yasuwe :
0 0

Mu rwego rwo gushyigikira gahunda za Leta no guharanira agaciro k’Abanyarwanda Caritas-Rwanda yatanze amafaranga arenga miliyoni 20 mu kigega Agaciro Development Fund.
Umuyobozi wa Caritas mu Rwanda akaba na Arikiyepisikopi wa Kigali Musenyeri Thaddée Ntihinyurwa yavuze ko gutanga aya mafaranga ari ugushyigikira gahunda za Leta, Kiliziya Gatolika na Caritas babonye ko ari nziza, kuko igamije guha agaciro ikiremwamuntu kandi na Caritas ari ijambo rivuga urukundo kandi utakunda muntu utabanje (...)

Mu rwego rwo gushyigikira gahunda za Leta no guharanira agaciro k’Abanyarwanda Caritas-Rwanda yatanze amafaranga arenga miliyoni 20 mu kigega Agaciro Development Fund.

Umuyobozi wa Caritas mu Rwanda akaba na Arikiyepisikopi wa Kigali Musenyeri Thaddée Ntihinyurwa yavuze ko gutanga aya mafaranga ari ugushyigikira gahunda za Leta, Kiliziya Gatolika na Caritas babonye ko ari nziza, kuko igamije guha agaciro ikiremwamuntu kandi na Caritas ari ijambo rivuga urukundo kandi utakunda muntu utabanje kumuha agaciro.

Ku bwa Musenyeri Ntihinyurwa kuba iki Kigega kigamije kurandura ubukene nta muntu utagiha agaciro, kuko ngo urwo rugamba ruganisha ku cyerekezo 2020. Uyu muco kandi wo gufasha abakene no kubaha agaciro ngo asanga Kiliziya yarawumvise kuva kera niyo mpamvu idahwema kuwutoza buri wese.

Umuyobozi w’ishami rishinzwe gushakisha inkunga hanze y’u Rwanda Nkusi Ronald yashimye igikorwa cya Caritas yakoze ku bwitange bwayo ntawe uyibihatiye, kuko ari igikorwa kigamije iterambere rya buri Munyarwanda cyane umukene.

Nkusi yavuze ko n’ubwo ashinzwe inkunga zo hanze ariko ko abari imbere mu gihugu iyo batanze amafaranga nk’ayo bitanga ingufu ku gihugu kurenza ayo hanze.

Yashimiye Kiliziya Gatolika ibikorwa bitandukanye yunganiramo Leta birimo amashuri, amavuriro kuko ngo bigaragaza ukuntu bahora bashishikariye guteza imbere ikiremwamuntu, cyane abakene ntawe usigaye inyuma bidatandukanye n’urugero rwa Papa mushya wavuze ko kiliziya ari iy’abakene kandi bakaba bakomeje kubigaragaza.

Aya mafaranga agera kuri 20,200,182 yatanzwe na Caritas Rwanda na Caritas z’amadiyoseze abarizwa mu Rwanda aje asanga arenga miliyari 26 amaze gushyirwa muri iki kigega.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza