IGIHE.com > Amakuru > U Rwanda
Ese koko abakobwa batwara inda z’indaro ni abatamenyereye gukora imibonano mpuzabitsina?

Ese koko abakobwa batwara inda z’indaro ni abatamenyereye gukora imibonano mpuzabitsina?


Yanditswe kuya 16-01-2013 - Saa 17:15' na Faustin Nkurunziza

Ni kenshi abantu bakunze kuvuga ko abakobwa batwara inda z’indaro bwa mbere ngo baba batamenyereye gukora imibonano mpuzabitsina.

Bamwe mu bakobwa banyuranye baganiriye na IGIHE ariko batifuje ko amazina yabo atangazwa, bavuga ko umukobwa utwara inda ubwa mbere ngo akenshi aba atamenyereye gukora imibonano mpuzabitsina. Bavuga ko ngo bitoroshye cyangwa se ngo bidakunze kubaho kenshi ko umukobwa w’isugi ubikoze ubwa mbere, yibuka gukoresha agakingirizo cyangwa se ngo akoreshe ibinini bimurinda gusama.

Bavuga kandi ko abakobwa bakoze imibonano mpuzabitsina bwa mbere, ngo baba afite ubwoba bwinshi kuko batiyumvisha neza ibimaze kubabaho, bitewe n’akamenyero gake.

Icyo bahurizaho bose ni uko ngo umukobwa ukoze imibonano mpuzabitsina ubwa mbere adakunze kubwira uwo bayikoranye kwibuka agakingirizo, cyagwa ubundi buryo bwo kwirinda. Bavuga kandi ko ngo burya abenshi baba batazi no kwibarira iminsi yabo y’uburumbuke.

Ikindi ngo ni uko umukobwa ubimenyereye adakunze kugorana, icyongeyeho ngo abikora azi icyo agiye gukora n’uburyo abasha kwirinda ku kuba yasama inda atabiteganyije, cyangwa ngo abe yakwandura indwara muri zimwe zandurira mu mibonano mpuzabitsina.

Twabibutsa ko Ibitekerezo byanyu muduha dushobora kubyifashisha mu gukora indi nkuru ijyanye n’uburyo mu bitekerezaho.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO