Gasabo: Abashinzwe irondo bahagurukiye guhashya amabandi

Yanditswe na Olivier Muhirwa
Kuya 1 Werurwe 2013 saa 03:16
Yasuwe :
0 0

Mu Karere ka Gasabo umurenge wa Ndera, abashinzwe irondo n’abayobozi b’imidugudu, bahagurukiye kurwanya amabandi yiba amatungo magufi n’abiba mu ngo z’abaturage. Mukakarisa Odetta Umuyobozi w’Umudugudu wa Runyonza, avuga ko mu bihe bishize mu mudugudu ayobora hakunze kurangwamo ibibazo by’ibisambo byiba amatungo magufi y’abaturage, ubu ngo bakaba bagiye kubahagurukira kuburyo harangwamo umutekano uhagije.
Avuga ko ibi bazabigeraho bifashishije abashinzwe irondo, bahawe telefoni zibafasha (...)

Mu Karere ka Gasabo umurenge wa Ndera, abashinzwe irondo n’abayobozi b’imidugudu, bahagurukiye kurwanya amabandi yiba amatungo magufi n’abiba mu ngo z’abaturage.

Mukakarisa Odetta Umuyobozi w’Umudugudu wa Runyonza, avuga ko mu bihe bishize mu mudugudu ayobora hakunze kurangwamo ibibazo by’ibisambo byiba amatungo magufi y’abaturage, ubu ngo bakaba bagiye kubahagurukira kuburyo harangwamo umutekano uhagije.

Avuga ko ibi bazabigeraho bifashishije abashinzwe irondo, bahawe telefoni zibafasha guhanahana amakuru mu gucunga umutekano w’aho batuye.

Mukakarisa yagize ati “ Ubu twafashe ingamba shyashya z’uko dufatanyije n’abaturage buri wese agomba gutanga amakuru y’aho abona ibintu bitagenda neza, akabimenyesha inzego z’umutekano hakirikare”.

Ndayisenga Eraste Perezida w’Inama Njyanama y’Akagari ka Ndera, yavuze ko bashyizehamwe n’inzego z’umutekano polisi n’ingabo zikorera mu Karere ka Gasabo, bahisemo guhugura abashinzwe gukora irondo n’Inkeragutabara uburyo barushaho gucunga umutekano bifashishije guhanahana amakuru kuburyo bwihuse, ahabereye ibyaha.
Ndayisenga yagize ati “Abashinzwe irondo, ubu bahawe umwambaro w’ijoro ubatandukanya n’abandi .”

Yongeyeho ko bifuza kujya bakumira ibyaha mbere y’uko biba, abaturage bagakomeza kwishyura amafaranga 1,000 y’umutekano kugirango akazi karusheho kugenda neza.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza