Kwamamaza

Gasabo: Abayobozi 141 bahuguwe ku mikoranire n’abafite ubumuga

Yanditswe kuya 16-03-2013 saa 04:33' na IGIHE
     


Ku bufatanye n’Ikigo cy’Igihugu cyita ku bafite ubumuga, Akarere ka gasabo kahuguye abakozi bafite aho bahurira n’abafite ubumuga mu rwego rwo kuzamura imibereho myiza y’abamugaye.
Nk’uko bitangazwa na Uwamariya Florentine ushinzwe inama y’abafite ubumuga mu Karere ka Gasabo, ngo aya mahugurwa yabaye kuri wa 14 Werurwe 2013 yateguwe hagamijwe kongerera ubumenyi abakozi bafite aho bahurira n’abafite ubumuga, gukomeza imikorere n’imikoranire y’inzego z’abafite ubumuga n’iza Leta ngo imibereho yabo (...)

Ku bufatanye n’Ikigo cy’Igihugu cyita ku bafite ubumuga, Akarere ka gasabo kahuguye abakozi bafite aho bahurira n’abafite ubumuga mu rwego rwo kuzamura imibereho myiza y’abamugaye.

Nk’uko bitangazwa na Uwamariya Florentine ushinzwe inama y’abafite ubumuga mu Karere ka Gasabo, ngo aya mahugurwa yabaye kuri wa 14 Werurwe 2013 yateguwe hagamijwe kongerera ubumenyi abakozi bafite aho bahurira n’abafite ubumuga, gukomeza imikorere n’imikoranire y’inzego z’abafite ubumuga n’iza Leta ngo imibereho yabo izamurwe.

Aba bayobozi bahuguwe ku bijyanye n’amategeko arengera abamugaye ndetse na bimwe mu byo abamugaye bakeneyemo ubuvugizi nk’ibibazo by’ubukene, ivangura no guhindura imyumvire Abanyarwanda bagira ku bafite ubumuga ndetse no kutibukwa kw’abamugaye muri gahunda za Leta bitewe no kutagerwaho, akavuga ko inyigisho bahawe zizagira uruhare mu gukemura ibibazo by’abafite ubumuga.

Rehema Rose ni umwe mu bitabiriye amahugurwa, akaba n’uhagarariye abamugaye mu murenge wa Ndera mu Kagari ka Bwiza. Akavuga ko aya mahugurwa yamwongereye ubumenyi ku itegeko ribarengera ndetse no kuba yamenye gahunda nshya yo gusanga abamugaye mu miryango yabo bakabaherayo ubufasha bakeneye.

Umunyamabanga Nshingwabikorwa w’Inama y’Igihugu y’abafite ubumuga Ndayisaba Emmanuel, avuga ko iyo guhugura abayobozi bifite umumaro munini.

Ndayisaba yagize ati “Burya guhugura abayobozi bihindura imyumvire, bakamenya ibibazo by’abafite ubumuga bakabishakira umuti ndetse kuba iri tegeko rimenyekanishwa bituma kubafasha batabifata nk’impuhwe ahubwo bakamenya ko bisabwa n’itegeko.”

Ndayisaba kandi avuga ko n’ubwo batanze amahugurwa ku butumire bw’Akarere ka Gasabo, ngo bafite ikizere ko mu ngengo y’imari y’umwaka utaha bazateganyiriza guhugura uturere twose.

Aya mahugura yitabiriwe n’abayobozi bashinzwe ubuzima mu Karere, abahagarariye abafite ubumuga, abashinzwe imibereho myiza n’abandi bose bafite aho bahurira n’abamugaye kuva mu tugari kugeza mu karere.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved