IGIHE.com > Amakuru > U Rwanda
Gasabo : Inzu ya One dollar campaign yubatswe idafite ibyangobwa

Gasabo : Inzu ya One dollar campaign yubatswe idafite ibyangobwa


Yanditswe kuya 31-01-2013 - Saa 16:59' na Faustin Nkurunziza

Umuyobozi w’umujyi wa Kigali Ndayisaba Fidèle, avuga ko Inyubako yagenewe guturwamo n’abana b’imfubyi za Jenoside yakorewe abatutsi mu 1994 ku nkunga y’umushinga wa ‘One dollar compaign’ iherereye mu karere ka Gasabo mu Mujyi wa Kigali yubatswe idafite ibyangombwa biyemerera kubakwa kuko yatangiye kubakwa bagira ngo hihutishwe ikibazo cy’abatari bafite amacumbi.

Ku ya 29 Mutarama 2013 ubwo umuyobozi w’Umujyi wa Kigali yari kumwe na Minisitiri w’Intebe Dr Habumuremyi Pierre Damien, Minisitiri w’Intebe yabajije abashinzwe kuyubaka impamvu batinze kuyirangiza Ndayisaba avuga ko iyi nyubako yubatswe idafite ibyangobwa bitangwa n’ubuyobozi bw’umujyi.

Uku ni ko inzu ya One dollar campaign imeze

Muri ibyo harimo guhabwa uruhushya no kwerekana igishushanyo cy’uko inyubako yari kuba iteye. Ikindi ni uko idafite icyerekezo cy’aho amazi ayivaho azajya, ku buryo n’abayubatse magingo aya baterekana aho ayo mazi azerekeza. Ibi byose iyo ugiye kubaka atabigaragaje ntahabwa uburenganzira bwo kubaka. Ndayisaba ati “Habayeho amarangamutima mu kubaka iyi nyubako bitewe n’akamaro Abanyarwanda bari bayitegerejeho. Nta witaye ku kuzuza ibyangombwa byose byasabwaga.”

Ubuyobozi bw’umujyi wa Kigali bwabasabye kuba baretse gucukura ahazanyuzwa ayo mazi, kugira ngo bibanze byigweho neza.

Iyi nyubako yatangiye kubakwa mu Kuboza 2010 biteganyijwe ko izarangira mu mwaka wa 2011, icyakora kugeza ubu iracyubakwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO