IGIHE.com > Amakuru > U Rwanda
Gasabo: Mukashyaka yeretswe urukundo rwa kibyeyi ku isabukuru y’imyaka 25 FPR Inkotanyi

Gasabo: Mukashyaka yeretswe urukundo rwa kibyeyi ku isabukuru y’imyaka 25 FPR Inkotanyi


Yanditswe kuya 18-11-2012 - Saa 11:24'

Imyaka 25 y’amavuko umuryango FPR Inkotanyi umaze uvutse yasize Mukashyaka Claudine wari umutindi nyakujya asigiwe umurage w’ubukungu.

Mukashyaka, umubyeyi w’abana 6 utuye mu kagari ka Bweramvura, umurenge wa Jabana mu karere ka Gasabo yahawe n’umuryango wa FPR Inkotanyi muri aka karere inzu, ubwiherero ndetse n’urwiyuhagiriro ifite agaciro ka miliyoni 15 z’Amafaranga y’u Rwanda.

Uyu mubyeyi yagabiwe iyi nzu ubwo hizihizwaga isabukuru y’imyaka 25 umuryango FPR Inkotanyi umaze uvutse mu karere ka Gasabo, umunsi wijihirijwe mu murenge wa Jabana.

Inzu Mukashyaka yagabiwe n’umuryango wa FPR yubakishije amatafari ahiye, ikaba igizwe n’ibyumba bitatu ndetse n’uruganiriro.

Uyu mubyeyi yashyikirijwe ino nzu irimo ibikoresho byose intebe mu ruganiriro, ibitanda mu byumba byose uko ari bitatu, Televiziyo, Radiyo ibikoresho byo mu nzu imyambaro y’umwana ndetse n’ibiribwa.

Mukashyaka yubakiwe kandi inzu y’inkoko ndetse ahabwa n’inkoko 100 zitera amagi. Nyuma y’ibi byose yafungurijwe konti yo kuzigama ndetse ashyirirwaho amafaranga 100,000.

Mukashyaka yafungurij­we konti yo kwizigam­a mu Murenge SACCO a­shyirirwaho Rwf100,000

Aganira na IGIHE nyuma yo guhabwa iyi nzu Mukashyaka yavuze ko Imana ari yo izahemba FPR Inkotanyi.

Yagize ati “Ntabwo nabona uko nshimira FPR Inkotanyi, Imana abe ari yo izabihembera. Nari umutindi nyakujya naryamaga ku mufuka none nahawe ibitanda na matora bampaye icyo kurya. Imana izabampembere.”

Shema Jonas, Umuyobozi w’Umurenge wa Jabana yatangarije IGIHE ko uyu mubyeyi w’umupfakazi bamutoranije kugira ngo yubakirwe nyuma y’aho bigaragariye ko Mukashyaka yari umutindi nyakujya ndetse akaba yaratoranijwe n’abandi baturage bo mu kagari ka Bweramvura ngo afashwe.

Uyu munsi wo kwizihiza isabukuru y’imyaka 25 umuryango FPR Inkotanyi umaze uvutse mu karere ka Gasabo waranzwe no gufasha abakene batandukanye.

Mu murenge wa Jali mu kagari ka Nyaburiba bamwe mu baturage bahawe inka zo korora ndetse n’abana bahabwa amata.

Umunsi wo kwizihiza isabukuru y’imyaka 25 umuryango FPR Inkotanyi umaze uvutse nyirizina ku rwego rw’igihugu uzizihizwa kuwa 15 Ukuboza 2012.

Bamwe mu banyamuryan­go ba FPR Inkotanyi baha Mukashyaka inzu­ yujbakiwe

Foto/Rubibi Olivier

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO