Kwamamaza

Gasabo: Urubyiruko n’abana basabwe kwirinda abagoreka amateka

Yanditswe kuya 13-04-2013 saa 07:52' na Marie Chantal Nyirabera
     


Akarere ka Gasabo kakoze urugendo rwo Kwibuka rwo kwibuka Jenoside yakorerewe Abatutsi muri Mata 1994. Urugendo rwo ku wa 12 ,ATA 2013, rwahereye kuri KBC rugera ku Rwibutso rwa Jenoside yakorewe Abatutsi rwA Kigali ruri ku Gisozi.
Ndizeye Willy, Umuyobozi w’akarere ka Gasabo, yavuze ko uru rugendo rugamije Kwibuka Abatutsi barenga miliyoni bazize Jenoside.
Yasabye urubyiruko rwitabiriye uyu muhango n’abana, kujya bamenya amateka ya Jenoside, bakirinda ababyeyi babashuka (...)

Akarere ka Gasabo kakoze urugendo rwo Kwibuka rwo kwibuka Jenoside yakorerewe Abatutsi muri Mata 1994. Urugendo rwo ku wa 12 ,ATA 2013, rwahereye kuri KBC rugera ku Rwibutso rwa Jenoside yakorewe Abatutsi rwA Kigali ruri ku Gisozi.

Ndizeye Willy, Umuyobozi w’akarere ka Gasabo, yavuze ko uru rugendo rugamije Kwibuka Abatutsi barenga miliyoni bazize Jenoside.

Yasabye urubyiruko rwitabiriye uyu muhango n’abana, kujya bamenya amateka ya Jenoside, bakirinda ababyeyi babashuka bababwira amateka apfobya akanahakana Jenoside yakorewe Abatutsi.

Ati “Mujye mukurikirana mumenye amateka, ntibakababeshye, mujye muza muyishakire, muyamenye, mwumve icyo ubuyobozi bubasobanurira. Rubyiruko muharanire kurwanya ingengabitekerezo ya Jenoside, dufatanye kubaka igihugu cyacu.”

Yavuze ko uru rugendo rugomba gukomeza gufasha abarokotse Jenoside, bityo bikabafasha gukomeza kwiyubaka bagendeye ku nsanganyamatsiko, ati “Twibuke tunaharanira kwigira, abarokotse Jenoside iyi nsanganyamatsiko ibubake.”

Uwanyirigira Marie Thérѐse utuye ku Kacyiru wari witabiriye uru rugendo, yavuze ko urugendo rwo Kwibuka no kwamagana Jenoside yakorewe Abatutsi rumufasha kwibuka abe yabuzemuri Jenoside yakorewe Abatutsi. Ati “Bituma ntibagirwa abacu, bikamfasha kwibuka mparanira kubana n’abandi amahoro. Hari intambwe igerwaho, hari icyo bimfasha.”

Uyu muhango waranzwe no gushyira indabo ku mva zishyinguwemo imibiri 259,000 y’abazize Jenoside yakorewe Abatutsi muri 1994, mu rwibutso rwa Jenoside rwa Kigali ruri ku Gisozi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved