Kwamamaza
  IGIHE.com

Gatsata: Bamaze ibyumweru birenga bibiri nta mazi

Yanditswe kuya 2-04-2013 saa 07:17' na Constantin Tuyishimire
     


Bamwe mu baturage batuye mu Murenge wa Gatsata baravuga ko bamaze ibyumweru bibiri birenga nta mazi bafite, ubu bavoma amazi y’ibishanga.
Kuba abaturage bo mu Murenge wa Gatsata bamaze igihe kirenga ibyumweru bibiri nta mazi bafite, ni kimwe mu bibazo bibahangayikishije kuko kuri ubu basigaye bavoma amazi yo mu gishanga cya Nyabugogo ahitwa Nyakariba. Aba baturage bakaba basaba ubuyobozi bw’Ikigo gishinzwe gukwirakwiza amazi n’umuriro (EWSA) kubatabara.
Bwiza Bosco, umwe mu baturage (...)

Bamwe mu baturage batuye mu Murenge wa Gatsata baravuga ko bamaze ibyumweru bibiri birenga nta mazi bafite, ubu bavoma amazi y’ibishanga.

Kuba abaturage bo mu Murenge wa Gatsata bamaze igihe kirenga ibyumweru bibiri nta mazi bafite, ni kimwe mu bibazo bibahangayikishije kuko kuri ubu basigaye bavoma amazi yo mu gishanga cya Nyabugogo ahitwa Nyakariba. Aba baturage bakaba basaba ubuyobozi bw’Ikigo gishinzwe gukwirakwiza amazi n’umuriro (EWSA) kubatabara.

Bwiza Bosco, umwe mu baturage batuye mu Murenge wa Gatsata, atangaza ko kuba nta mazi babona, bizatuma hari indwara zibibasira ziturutse kuri ayo mazi mabi bavoma mu gishanga. Yagize ati “ Twifuza ko EWSA idutabara natwe tukabona amazi kuko tumaze kurambirwa, kandi hari uduce tumwe na tumwe bahaye amazi twe tukaba tutarayabona. Nibatubwire nibura igihe amazi azabonekera twicare tuzi ko ikibazo cyacu kizabonerwa umuti.”

Ubwo umunyamakuru wa IGIHE yageraga mu gishanga cya Nyabugogo, ahitwa Nyakariba ahari iryo riba abaturage bavomaho, batangaje ko kuvoma ayo mazi nabyo bitoroshye kuko havoma umugabo hagasiba undi, kubera umubare w’abantu benshi baba baje kuhavoma.

Uwineza Adeline ni umwe mu bari bavuye kuvoma muri icyo gishanga yagize ati “ Ntabwo bitworoheye kuvoma, kuva aho amazi aburiye, none turasaba ko EWSA yakora iyo bwabaga tukabona amazi mu gihe gito kuko niyo agize ngo araje aza amasaha make cyane, bityo twe tukaba tubona ari ikibazo kidukomereye kuko hagiye gushira ibyumweru bibiri birenga”.

Théoneste Minani, Umuyobozi ushinzwe ishami ry’amazi muri EWSA, yatangaje ko ikibazo cyari gihari ari umuyoboro w’amazi wari warasenywe na ruhura ya Mpazi ariko ubu amazi bamaze kuyageza ku baturage nubwo bamwe mu baturage bakomeza kuvuga ko nta mazi arabageraho. Akomeza avuga ko hari n’igihe abaturage bagira ibibazo by’ibura ry’amazi ntibabimenyekanishe.

Ibibazo by’ibura ry’amazi bikaba bikunze kwibasira uduce twa Gatsata, Gihogwe, Cyungo ndetse na Rubonobono cyane cyane mu gihe cy’imvura.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved