Kwamamaza

Gen. Pien Deng ashima u Rwanda mu kubungabunga amahoro ku isi

Yanditswe kuya 1-03-2013 saa 13:10' na James Habimana
     


Umuyobozi wa Polisi muri Sudani y’Amajyepfo uri mu Rwanda, Gen. Pien Deng Majok, aratangaza ko u Rwanda ari intangarugero muri Afurika mu kubungabunga amahoro ku isi.
Gen. Pien Deng Majok yakiriwe n’Umuyobozi wa Polisi y’u Rwanda, IGP Emmanuel Gasana, mu ruzinduko arimo rwo kunoza amasezero yasinywe mu mwaka ushize hagati y’ibihugu byombi, ajyanye n’ubufatanye mu kurwanya ibyaha, gutanga amahugurwa n’ibindi.
Gen. Pien yatangaje ko gufatanya n’u Rwanda mu bijyanye n’umutekano ari byiza, kuko (...)

Umuyobozi wa Polisi muri Sudani y’Amajyepfo uri mu Rwanda, Gen. Pien Deng Majok, aratangaza ko u Rwanda ari intangarugero muri Afurika mu kubungabunga amahoro ku isi.

Gen. Pien Deng Majok yakiriwe n’Umuyobozi wa Polisi y’u Rwanda, IGP Emmanuel Gasana, mu ruzinduko arimo rwo kunoza amasezero yasinywe mu mwaka ushize hagati y’ibihugu byombi, ajyanye n’ubufatanye mu kurwanya ibyaha, gutanga amahugurwa n’ibindi.

Gen. Pien yatangaje ko gufatanya n’u Rwanda mu bijyanye n’umutekano ari byiza, kuko rumaze kwigeza kuri byinshi, byongeye kandi rukaba rutanga umusanzu mu mahanga mu iterambere no kubungabunga umutekano.

Yagize ati “Umuryango Mpuzamahanga akenshi ufata umugabane wa Afurika nk’aho nta musanzu watanga ngo ugarure amahoro ku isi, ariko ngira ngo ubu nawo umaze kubona ko Afurika ifite u Rwanda nk’igihugu gishobora gukora ibyo abenshi batakora, bityo twese tugomba kurufatiraho urugero rwiza.”

Umuyobozi wa Polisi y’u Rwanda, IGP Emmanuel Gasana, yavuze ko nyuma yo gusinya amasezerano y’ubufatanye na Sudani y’Amajyepfo, u Rwanda rumaze guhugura abapolisi bakuru barenga 20 ba Sudani y’Amajyepfo, kandi ngo igikorwa cyikaba gikomeje no mu bindi byiciro by’abapolisi, kuko ngo bagikeneye kwiyubaka nk’igihugu gishya.

Mu ruzinduko arimo mu Rwanda Gen. Peng azasura urwibutso rwa Jenoside rwo ku Gisozi, ikigo gihugura abapolisi kiri i Gishari, n’aho Polisi y’igihugu ikoresha mu rwego rwo kwita ku bahuye n’ibibazo by’ihohotera rishingiye ku gitsina.

Abayobozi ba Polisi y'u Rwanda na Gen. Pien Deng Majok
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved