Gicumbi: Abahinzi barasabwa guhinga ku gihe ibyatoranyijwe muri 2013B

Yanditswe na Nsabimana Emile
Kuya 1 Mutarama 2013 saa 10:56
Yasuwe :
0 0

Bamwe mu bahinzi bo mu karere ka Gicumbi mu Ntara y’Amajyaruguru wasangaga bakunze kwanga guhinga igihingwa cyatoranyijwe, icyakora muri uyu mwaka komite z’iyamamazabuhinzi zasabwe kugira uruhare mu kurinda ahantu hatoranyirijwe igihingwa runaka kandi bagasobanurira abaturage kutahavogera.
Mu kwitegura igihembwe cy’ihinga cya saison 2013B, mu mpera z’icyumweru gishize habaye inama itegura igihembwe gishya cy’ihinga; yasabye abaturage ko batahinga amasaka muri iki gihembwe kigiye kuza (...)

Bamwe mu bahinzi bo mu karere ka Gicumbi mu Ntara y’Amajyaruguru wasangaga bakunze kwanga guhinga igihingwa cyatoranyijwe, icyakora muri uyu mwaka komite z’iyamamazabuhinzi zasabwe kugira uruhare mu kurinda ahantu hatoranyirijwe igihingwa runaka kandi bagasobanurira abaturage kutahavogera.

Mu kwitegura igihembwe cy’ihinga cya saison 2013B, mu mpera z’icyumweru gishize habaye inama itegura igihembwe gishya cy’ihinga; yasabye abaturage ko batahinga amasaka muri iki gihembwe kigiye kuza ahubwo bakitabira ibihingwa byemejwe mu duce batuyemo.

Mvuyekure Alexandre, Umuyobozi w’Akarere ka Gicumbi, yatangaje ko abaturage bagomba guhinga igihingwa cyatoranyijwe; asaba inzego z’imirenge n’abashinzwe ubuhinzi gushishikariza abaturage guhinga ibihingwa byatoranyijwe.

Amakuru dukesha urubuga rw’ubuhinzi avuga ko abayobozi b’inzego z’ibanze bazagira inama mu midugudu n’utugari bagahitamo ibyo abaturage bahinga, hakanatoranywa aho bizahingwa kandi hakanashyirwaho ibyapa bigaragaza ibizahingwa.

Izamuhaye Jean Claude uhagarariye ikigo cy’u Rwanda cy’ubuhinzi n’ubworozi RAB mu Ntara y’Amajyaruguru, yatangaje ko ahatoranyijwe guhingwa hangana na hegitari 2500 zizahingwaho ibigori, hegitari 5000 z’ingano, hegitari 6000 z’ibirayi, 14000 z’ibishyimbo na 250 z’imyumbati.

Ibi bihingwa ngo bizagabanywa utugari tw’aka karere mu rwego rwo kongera ubukungu bwako.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza