Kwamamaza

Gisagara: Ufite ubumuga amaze kurera abana 42 guhera mu 1994

Yanditswe kuya 29-01-2013 saa 17:12' na Deus Ntakirutimana
     


Harerimana Anna umukecuru w’imyaka 74, utuye mu karere ka Gisagara mu murenge wa Nyanza, Akagari ka Nyaruteja arakangurira abanyarwanda kwita ku bana bafite ibibazo, kuko ngo kurera umwana ubabaye bidasaba amikoro adasanzwe ahubwo ari umutima ukunda.
Nk’uko tubikesha urubuga rw’Akarere ka Gisagara, Harerimana ufite ubumuga bwo kuba mugufi avuga ko guhera Jenoside irangiye yabashije kurera abana bagera kuri 42 biyongera kuri babiri yabyaye. Aba bana yareze ngo ni abo yagiye atoragura (...)

Harerimana Anna umukecuru w’imyaka 74, utuye mu karere ka Gisagara mu murenge wa Nyanza, Akagari ka Nyaruteja arakangurira abanyarwanda kwita ku bana bafite ibibazo, kuko ngo kurera umwana ubabaye bidasaba amikoro adasanzwe ahubwo ari umutima ukunda.

Nk’uko tubikesha urubuga rw’Akarere ka Gisagara, Harerimana ufite ubumuga bwo kuba mugufi avuga ko guhera Jenoside irangiye yabashije kurera abana bagera kuri 42 biyongera kuri babiri yabyaye. Aba bana yareze ngo ni abo yagiye atoragura hirya no hino mu gihe cya Jenoside yakorewe Abatutsi muri Mata 1994.

Nyamara ngo n’ubwo akora ibi byose nta mikoro adasanzwe afite, kuko ngo mu rwego rwo kwirinda kubera igihugu umutwaro asabiriza akora umurimo wo gucuruza imboga mu isoko rya Nyaruteja mu karere ka Gisagara.

Kugeza ubu muri aba bana asigaranye abagera ku munani mu gihe avuga ko abonye n’undi uri mu bibazo yamwakira na we akarererwa mu rugo rwe kuko ngo hari n’abakujijwe n’ibere rye.

Atangaza ko n’ubwo afite ubumuga bw’ubugufi yashoboye kurera abana 42 mu gihe yabyaye 2 gusa. Abana yareze bose ngo ni abo yatoraguye mu gihe cya Jenoside yakorewe Abatutsi muri mata 1994, abandi ni impfubyi yatoraguye nyuma kuko batari bafite kivurira.

Ibi ngo yabikoze nyuma yo kwibazwaho na buri wese ku cyo yashoboraga gukora mu gihe atari yarize kandi yaranamugaye adashobora no guhinga.

Ahereye ku bikorwa yakoze kandia shimirwa na benshi Harerimana arasaba abafite ubumuga kwirinda igikorwa yita ko kigayitse cyo gusabiriza, ahubwo bakiha agaciro bashaka ibyo bakora kuko bashobora gukora n’ibyananiye abadafite ubwo bumuga. Aha kandi asaba n’abantu muri rusange kubahana.

Ibi Harerimana yakoze ni rumwe mu rugero rwo gushyira mu bikorwa ibyo Madamu Jeannette Kagame watangije igikorwa cyo gushimira ba Malayika murinzi uyu mukecuru arimo, cyo kwihanganira ibibazo bahura na byo bagafata ingamba zikwiye, kuko ubukene bubi ari ubwo mu mutwe no ku mutima na ho ubundi bushobora kurangira.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved