IGIHE.com > Amakuru > U Rwanda
Gitega:Ubujura bukomeje gutuma abenshi barara rubunda

Gitega:Ubujura bukomeje gutuma abenshi barara rubunda


Yanditswe kuya 1er-01-2013 - Saa 10:13' na James Habimana

Mu gihe dusoza umwaka wa 2012 twinjira mu wa 2013, bamwe mu bacuruzi batuye Akagari ka Kinyange Umurenge wa Gitega, baratangaza ko abajura bakomeje kubaraza ku nkeke bibasira amaduka yabo.

Umwe muri aba baturage utuye umudugudu w‘Ubwiza ariko utashatse kwivuga amazina ye, yatangarije IGIHE agira ati “Mu ijoro rya tariki ya 29 uku kwezi, abajura baje iwanjye mu iduka, baca ingufuri z’urugi ariko ku bwamahirwe, mbyumva vuba aho nahise ntabaza abashinzwe umutekano”.

Nubwo yanze kwibwira itangazamakuru amazina ye, Umuyobozi w’Umudugududu w’Ubwiza ari naho ibi bibazo birimo kuboneka, yadutangarije ko ubu bujura buhari koko ariko akomeza avuga ko ngo bafite ingamba z’uko bagiye gukaza amarondo, kandi ngo biteguye kugafa aba bajura vuba.

Nubwo ariko avuga ibi, aba baturage bose icyo bahurizaho ni uko ibi bibazo by’ubujura muri aka gace bimaze iminsi, mu gihe nyamara ngo buri kwezi basabwa amafaranga yo gucunga umutekano wabo n’ibyabo.

Igikomeje gutera ubwoba aba baturage, ngo ni aho usanga aba bajura baza bitwaje ibyuma, bityo bakaba bikanga ko hashobora kuzagira uhohoterwa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO