IGIHE.com > Amakuru > U Rwanda

"Guhumuriza no gufasha abarokotse Jenoside bibe ibya buri munsi"


Yanditswe kuya 12-04-2013 - Saa 17:34' na Marie Chantal Nyirabera

Bamwe mu rubyiruko rwo mu mujyi wa Kigali ruravuga ko ari ngombwa gusura, gufasha imfubyi n’abapfakazi ba Jenoside yakorewe Abatutsi igihe cyose atari mu cyunamo gusa.

Uru rubyiruko ruvuga ko ari ngombwa kubegera no kubaba hafi kuko aribwo buryo bwo kumva no kumenya ibyo bakeneye, umuntu yaheraho abafasha.

Hakizimana utuye mu Kagali ka Muhima yatangarije IGIHE ko muri iki gihe gikomeye cyo kwibuka, urubyiruko rukwiye kugira intego yo kuba mu ruhande rw’ababuze ababo.

Yagize ati “hari abasaza n’abakecuru b’incike, abafite ubumuga n’ibikomere bitandukanye batewe na Jenoside, biba bibabaje kubageraho muri iki gihe gusa. Icyiza ni ukubafasha tukabegera mu buzima bwa buri munsi.”

Uru rubyiruko rwaganire na IGIHE ruzi neza ko ari bo mbaraga z’igihugu, bityo bagasanga aribo bakwiye gufata iya mbere mu kubaka igihugu, babana neza ku mashuri ndetse n’aho batuye.

Uwamariya Olive nawe avuga ko abana b’imfubyi bibana cyangwa abarokotse b’incike, kubasanga kenshi ukabakabaganiriza bibafasha kugira icyizere cy’ubuzima, bikabafasha kuva mu irungu no mu bwigunge usanga akenshi bishobora no kubatera uburwayi butandukanye.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO