Kwamamaza

Gusaza kwa Papa mushya nta kibazo biteye - Musenyeri Mbonyintege

Yanditswe kuya 15-03-2013 saa 05:08' na Deus Ntakirutimana
     


Umuvugizi wa Kiliziya Gatorika mu Rwanda aratangaza ko kuba Papa watowe ari mu kigero cy’ubusaza, atari ikibazo kuri Kiliziya ahubwo ari igisubizo kuko ngo ubusaza bujyana n’uburambe mu mirimo n’ubunararibonye.
Papa Fransisiko watowe afite imyaka 76 y’amavuko, byumvikana ko ari mu kigero cy’abasaza. Aha abantu benshi bakunze kwibaza impamvu Kiliziya itayoborwa n’umupapa udashaje bitewe n’uko papa wacyuye igihe yavuze ko imbaraga nke ziturutse ku myaka ari zo zatumye yegura ku mirimo ye.
Mu (...)

Umuvugizi wa Kiliziya Gatorika mu Rwanda aratangaza ko kuba Papa watowe ari mu kigero cy’ubusaza, atari ikibazo kuri Kiliziya ahubwo ari igisubizo kuko ngo ubusaza bujyana n’uburambe mu mirimo n’ubunararibonye.

Papa Fransisiko watowe afite imyaka 76 y’amavuko, byumvikana ko ari mu kigero cy’abasaza. Aha abantu benshi bakunze kwibaza impamvu Kiliziya itayoborwa n’umupapa udashaje bitewe n’uko papa wacyuye igihe yavuze ko imbaraga nke ziturutse ku myaka ari zo zatumye yegura ku mirimo ye.

Mu gusubiza ibi bibazo, Musenyeri Smaragde Mbonyintege, yatangaje ko imyaka ya papa mushya nta kibazo iteye, kuko icya mbere atari imyaka ahubwo icyo akora n’uko atunganya imirimo yatorewe.

Ku bwa Musenyeri Mbonyintege ngo abona ahubwo imyaka myinshi ijyana n’uburambe (experience), imyumvire, ubunararibonye, ubushishozi n’ubwitonzi bw’umuntu.

Mbonyintege asanga kuyobora Kiliziya imyaka myinshi atari byo bya ngombwa, kuko papa Yohani wa 23 watumije inama ya Vatikani ya kabiri yazanye impinduka muri Kiliziya zirimo guha ijambo Abalayiki muri Kiliziya, nyamara yarayoboye Kiliziya imyaka itanu gusa.

Aho ngo byagaragariye buri wese ko uyu mushumba yakoze ikintu cy’ingenzi muri Kiliziya kikiizirikanwa na n’ubu. Ni yo mpamvu ngo icyangombwa ini uko umuntu yiyumva mu gutunganya ibyo ashinzwe bitandukanye n’imyaka afite.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved