Kwamamaza Tigo_ P2P

Haracyagaragara inzitizi kugira ngo ubumwe n’ubwiyunge bugerweho

Yanditswe kuya 14-04-2013 saa 08:37' na Marie Chantal Nyirabera
     


Komisiyo y’Igihugu y’ubumwe n’ubwiyunge itangaza ko hari inzitizi zitandukanye zituma ubumwe n’ubwiyunge bw’Abanyarwanda butagerwaho 100%.
Muri iki cyumweru dusoje Abanyarwanda n’inshuti z’u Rwanda bibukagamo ku nshuro ya 19 Jenoside yakorewe Abatutsi, Mukayiranga Laurence ushinzwe ubufatanye n’izindi nzego muri Komisiyo y’Igihugu y’ubumwe n’ubwiyunge, mu kiganiro yagiranye n’abanyamadini, yavuze ko hakiri ikibazo cy’imyumvire ku mateka yaranze u Rwanda.
Mukayiranga Laurence yabagaragarije (...)

Komisiyo y’Igihugu y’ubumwe n’ubwiyunge itangaza ko hari inzitizi zitandukanye zituma ubumwe n’ubwiyunge bw’Abanyarwanda butagerwaho 100%.

Muri iki cyumweru dusoje Abanyarwanda n’inshuti z’u Rwanda bibukagamo ku nshuro ya 19 Jenoside yakorewe Abatutsi, Mukayiranga Laurence ushinzwe ubufatanye n’izindi nzego muri Komisiyo y’Igihugu y’ubumwe n’ubwiyunge, mu kiganiro yagiranye n’abanyamadini, yavuze ko hakiri ikibazo cy’imyumvire ku mateka yaranze u Rwanda.

Mukayiranga Laurence yabagaragarije ikibazo gikomeye cy’inzira igoranye mu gusaba imbabazi kw’abakoze icyaha cya Jenoside, ikibazo cy’abarangiza ibihano ntibake imbabazi bagasubira mu buzima busanze bagaturana n’abo biciye, iki kikaba ari ikibazo gikomeye gituma habaho ibikomere mu gusana imitima y’abarokotse Jenoside yakorewe Abatutsi.

Mukayiranga Laurence avuga kandi ko muri aba bagororwa bafungurwa kubera kurangiza igihano ariko batarasabye imbabazi, hari abahitamo kudasubira aho bari batuye, na bo kubera ipfunwe z’ibyo bakoze cyangwa kwanga kongera guturana n’abarokotse. Ibyo byose ngo bikaba bikomereye Komisiyo y’ubumwe n’ubwiyunge mu kugerageza gufasha abo bantu kwiyakira.

Ibindi bibazo bigaragazwa na raporo y’isesengura rya Komisiyo y’ ubumwe n’ ubwiyunge bituma ubwiyunge butagerwaho 100%, harimo iby’imitungo abakatiwe n’inkiko Gacaca batishyura, imanza zitararangira kugeza ubu ndetse n’abanga gukora ibihano bakatiwe.

Mukayiranga Laurence asanga hagomba kubaho ubufatanye n’inzego zitandukanye zirimo n’amadini. Bagafatanya gushaka impinduka nziza no gusesengura ibibazo bihari bigashakirwa umuti, baharinira gushaka iterambere rirambye rishingiye ku ndangagaciro z’abenegihugu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved