Kwamamaza Tigo_ digital garden

Haracyari imbogamizi mu miburanishirije y’ibyaha by’ihohoterwa n’ifatwa ku ngufu

Yanditswe kuya 26-11-2012 saa 14:55' na Ange de la Victoire Dusabemungu
     


Abateraniye mu mahugurwa yateguwe n’Urukiko Mpuzamahanga Mpanabyaha rwashyiriweho u Rwanda rukorera Arusha (ICTR ), baratangaza ko hakiri imbogamizi mu gukurikirana no kuburanisha ibyaha by’ifatwa ku ngufu n’ihohoterwa rishingiye ku gitsina.
Amahugurwa ku cyaha cy’ifatwa ku ngufu n’ihohoterwa ari kubera i Kigali kuva ku wa 26 kugeza 29 Ugushyingo 2012, ahuje abantu batandukanye barimo abanyamategeko, abavoka, abacamanza n’impuguke zitandukanye zituruka hirya no hino ku isi.
Imbogamizi (...)

Abateraniye mu mahugurwa yateguwe n’Urukiko Mpuzamahanga Mpanabyaha rwashyiriweho u Rwanda rukorera Arusha (ICTR ), baratangaza ko hakiri imbogamizi mu gukurikirana no kuburanisha ibyaha by’ifatwa ku ngufu n’ihohoterwa rishingiye ku gitsina.

Amahugurwa ku cyaha cy’ifatwa ku ngufu n’ihohoterwa ari kubera i Kigali kuva ku wa 26 kugeza 29 Ugushyingo 2012, ahuje abantu batandukanye barimo abanyamategeko, abavoka, abacamanza n’impuguke zitandukanye zituruka hirya no hino ku isi.

Imbogamizi zagaragajwe ziterwa ahanini n’uko abakorerwa ibyaha by’ihohoterwa rishingiye ku gitsina badakunze kubigaragaza, batinya ko bahura n’ibindi bibazo bishobora kuvuka rubanda bamenye ko bakorewe ihoterwa, nko kuba bishobora nobyatuma bateshwa agaciro n’ivangura.

Alfred Kwende, uhagarariye ibikorwa by’Ubugenzacyaha mu Rukiko rwa Arusha, avuga ko ikindi kibazo gihari n’ikijyanye no gukurikirana bene ibyo byaha, kuko usanga umubare w’ababifitiye ubushobozi ukiri muto.

Umushinjacyaha mukuru w’Urukiko rwa Arusha, Hassan Bubacar Jallow, avuga ko mu rwego rwo guhangana n’izo mbogamizi hateguwe igitabo gikubiyemo uburyo bwo kuburanisha ibyaha by’ifatwa ku ngufu n’ihohoterwa rishingiye ku gitsina, ku buryo abari mu mahugurwa bazayarangiza bungutse ubundi bumenyi mu gukemura ibyo bibazo.

Icyo gitabo kigaragaza uburyo uwahohotewe agomba kwitabwaho, n’uburyo uwahohotewe abazwa mu gihe Urukiko ruri kumva ibye.

Ku ruhande rw’u Rwanda, Perezida w’Urukiko rw’Ikirenga, Prof. Sam Rugege atangaza ko u Rwanda hashyizweho amategeko akarishye ahana ibyaha by’ihoterwa.

JPEG - 70.6 kb
Perezida w’Urukiko rw’Ikirenga, Prof. Sam Rugege aganira n’itangazamakuru

Yongeyeho ko mu Rwanda hashyizweho imiryango n’ibigo bishinzwe kurwanya no gukumira ibyaha by’ihohoterwa , n’uburyo bwo gufasha abahuye n’ihohoterwa igihe baba bagitegereje ko bahabwa ubutabera.


Ku ifoto yo hejuru:Umushinjacyaha Mukuru w’Urukiko rwa Arusha, Hassan Bubacar Jallow

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved