IGIHE.com > Amakuru > U Rwanda
Haracyemangwa bimwe mu byuma bicungishwa umutekano

Haracyemangwa bimwe mu byuma bicungishwa umutekano


Yanditswe kuya 22-05-2012 - Saa 17:22' na Munyentwari Patrick

Abantu batandukanye ntibavuga rumwe ku ikoreshwa ry’ibyuma bisaka cyangwa se byifashishwa mu hacungwa umutekano w’abantu cyane nk’ahantu hamwe bahurira ari benshi kuko ngo byaba bitera ikibazo mu mubiri w’umuntu giterwa na rayons/rays zibamo.

Nk’uko bisanzwe bimenyerewe ko hari ibyuma byifashishwa mu rwego rwo kurinda umutekano w’abantu n’aho bari bizwi ku izina rya « Metaldetectors » habonekamo ibyifashishwa hasakwa imodoka, imitwaro n’ibindi ndetse n’ibyifashishwa hasakwa abantu niba bafite intwaro mu rwego rwo kurinda umutekano mu mahoteli, mu nzu z’ubucuruzi, ahantu hahuriye abanu benshi.

N’ubwo hashize igihe bikoreshwa no mu Rwanda, byaje kugaragara ko hari bamwe birengagiza akamaro kabyo bakanitwaza ko bigira ingaruka mbi ku mubiri w’umuntu ndetse bamwe bakanavuga ko bibatera ubusaza.

Mu kiganiro na IGIHE, Rukeshambuga Innocent ukuririye abacunga umutekano mu nyubako ikorerwamo ibikorwa by’ubucuruzi ahazwi nko kwa Rubangura yavuze ko hari abaza bakabangamira abandi bitwaza ko ibi byuma bibatera gusaza.

Rukeshambuga akomeza asobabanura ko ibi usanga bigaragara cyane ku bantu bamwe na bamwe ko gusa iyo abikoze inshuro zigera kuri ebyiri nyuma yo kumusakisha icyuma gikoreshwa intoki n’ubwo biba ari ngombwa kunyura mu kimeze nk’urugi, ariko ubutaha ntabyemererwa kuko usanga akenshi aba ari amayeri yo gushaka guteza umutekano muke mu bandi.

Nyamara n’ubwo ngo hari abatsimbarara ko batanyura muri ibi byuma bishinzwe gusaka cyangwa kugaragaza ko umuntu afite intwaro, hari n’abashaka kwitambukira nyamara nta mpamvu zigaragara batanze, aha ngo hagaragaramo abahakora bamwe na bamwe.

Umwe mu bakorera mu nyubakwo yo kwa Rubangura utarashatse kwivuga izina yagize ati : « Abadusaka na bo mbona bagorana kuko nka twe dukorera aha biba ngombwa ko nsohoka bitewe n’akazi nkora kansaba gusohoka buri kanya kandi nihuta. Mba nkenewe buri kanya nkumva ko rero ntakwiye gusakwa buri kanya n’ubwo atiri njye gusa ».

Mu bisobanuro twahawe n’umwarimu muri Kaminuza y’u Rwanda mu Ishami ry’ubuvuzi, Dr. Rudasingwa Gatera yagize ati :«Mu by’ukuri ibi byuma bigira ibyitwa rayons-x ariko akaba ari ku rugero ruringaniye ku buryo atagira ikibazo atera. Gusa ku muntu muzima utarwaye nk’uko ku bindi bikoresho nka telefoni, televiziyo n’ibindi bigira rayons-x aba atari menshi. »

« Kimwe nk’ibi byuma iyo bikoreshejwe kenshi bigira ingaruka mbi ku myanya imwe n’imwe y’umubiri nko ku bagaboizi rayons-x zigira ingaruka zitari nziza ku mabya.»

Uyu mwarimu muri Kaminuza Nkuru y’u Rwanda akaba akomeza avuga ko ubundi nta kibazo byagakwiye gutera bitewe ahanini n’ingano y’izi rayon-x kuko nibura agomba kuba ari make kandi bigaterwa n’ubwoko bwayo kuko ngo hari izitera ibibazo bikomeye kurenza izindi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO