Hatangiye gutorwa indirimbo zizahatana muri Hitamo Video Music Awards

Yanditswe na Mathias Hitimana
Kuya 22 Mutarama 2013 saa 06:31
Yasuwe :
0 0

Abanyamakuru, abakora ibiganiro kuri radiyo na televizo, aba Dj n’abandi bakurikirana ibya muzika batangiye kugezwaho impapuro ziriho ibyiciro bizahatanira ibihembo ku ndirimbo zifite amashusho meza (Hitamo Video Music Awards) ngo batore.
Moses Ng’ang’a, umwe mu bayobozi ba The BEAT Company irimo gutegura ibihembo, yadutangarije ko imirimo yo gutora izarangira mu cyumweru gitaha, itsinda ryashyizweho rikicara rigahitamo indirimbo zikwiye gushyirwa mu byiciro hakurikijwe ibyatowe (...)

Abanyamakuru, abakora ibiganiro kuri radiyo na televizo, aba Dj n’abandi bakurikirana ibya muzika batangiye kugezwaho impapuro ziriho ibyiciro bizahatanira ibihembo ku ndirimbo zifite amashusho meza (Hitamo Video Music Awards) ngo batore.

Moses Ng’ang’a, umwe mu bayobozi ba The BEAT Company irimo gutegura ibihembo, yadutangarije ko imirimo yo gutora izarangira mu cyumweru gitaha, itsinda ryashyizweho rikicara rigahitamo indirimbo zikwiye gushyirwa mu byiciro hakurikijwe ibyatowe n’abanyamakuru, abamenyekanisha izi ndirimbo n’abandi bakurikiranira hafi ibya muzika.

Indirimbo zizatoranywa zitangazwa tariki 4 Gashyantare 2013.
Ku itariki ya 30 Mutarama 2013, hazatangazwa abahanzi bazahatanira ibihembo mu byiciro bito bigize ibyiciro bitanu binini birimo iby’indirimbo zaririmbiwe Imana (Gospel), abariririmba indirimbo zisanzwe (Secular), abatunganya indirimbo (Producer), n’abarushije abandi muri rusange (Overall category) n’icyiciro kizahuza abahanzi b’injyana zitandukanye baba mu Rwanda no hanze (Alternative Award category).

Ubuyobozi bwa The BEAT company burimo butegura ibi bihembo butangaza ko atubwiye ko usanga abahanzi bo mu Rwanda bakora indirimbo nziza mu majwi (audio), ariko bagakora video gake, n’izikozwe zikaba ziri ku rwego rudashobora guhatana ku rwego rwa Afurika y’Iburasirazuba.

Akomeza avuga ko igihe kigeze ngo hakorwe amashusho ashobora no kujya ku mateleviziyo mpuzamahanga, kuko ubushobozi ngo barabufite.

The BEAT company itangaza ko nta kabuza ibihembo bizatangwa mu mpera za Werurwe 2013, nubwo ari irya mbere ribaye ngo bazakora ibishoboka kugira ngo rizagararemo umucyo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza