Ibiro bya Minisitiri w’Intebe byibutse abari abakozi babyo bishwe muri Jenoside

Yanditswe na Olivier Muhirwa
Kuya 13 Mata 2013 saa 04:35
Yasuwe :
0 0

Abakozi bo mu biro bya Minisitiri w’Intebe, harimo n’aba Minisiteri y’Uburinganire n’Iterambere ry’Umuryango bakoze urugendo rw’amaguru rwahereye Primature kugera ku rwibutso rwa Kigali, bunamira imibiri y’abazize Jenoside yakorewe Abatutsi muri Mata1994, aho banibutse abari abakozi baho barimo na Minisitiri w’Intebe Uwiringiyimana Agathe.
Umuyobozi w’Ibiro bya Minisitiri w’Intebe, Barikana Eugène, ari kumwe n’abandi bakozi bakigera ku rwibutso rwa Kigali, babanje gusobanurirwa amwe mu mateka agize (...)

Abakozi bo mu biro bya Minisitiri w’Intebe, harimo n’aba Minisiteri y’Uburinganire n’Iterambere ry’Umuryango bakoze urugendo rw’amaguru rwahereye Primature kugera ku rwibutso rwa Kigali, bunamira imibiri y’abazize Jenoside yakorewe Abatutsi muri Mata1994, aho banibutse abari abakozi baho barimo na Minisitiri w’Intebe Uwiringiyimana Agathe.

Umuyobozi w’Ibiro bya Minisitiri w’Intebe, Barikana Eugène, ari kumwe n’abandi bakozi bakigera ku rwibutso rwa Kigali, babanje gusobanurirwa amwe mu mateka agize urwo rwibutso n’ibice bihagize birimo imibiri y’abazize Jenoside ndetse bafata umunota umwe wo kunamira imibiri ibihumbi 259 ihashyinguwe.

Barikana yavuze ko kuzana abakozi bo mu biro bya Minisitiri w’Intebe kwirebera uburyo Jenoside yakoranwe ubugome bukomeye, ari ikintu gikwiye guhabwa agaciro cyane. Yagize ati “Kuza hano si ukureba gusa ibyo tumaze kwibonera n’amaso yacu, ahubwo dukwiriye kuhakura isomo ry’uburyo abanyepolitiki babi ba kera bagize uruhare muri Jenoside, no kwirinda ko byakongera kubaho ukundi.”

Yakomeje agira ati “Nk’abakozi bo mu biro bya Minisitiri w’Intebe dufite inshingano ikomeye, mu kwirinda amacakuburi n’icyahembera Jenoside cyose kuko ari twe turi hejuru y’izindi minisiteri. Ikindi dukwiriye kwamagana abandika basebya igihugu cy’u Rwanda gisigaye cyubashywe n’Isi yose.”

Yavuze ko buri wese akwiriye guharanira icyatuma mugenzi we abaho neza, igihugu kigakomeza gutera imbere. By’umwihariko yashimiye ingabo zahoze ari iza FPR zarokoye Abanyarwanda zigahagarika na Jenoside.

Hanibutswe kandi n’abakozi bakoraga muri Minisiteri y’Intebe bazize Jenoside yakorewe Abatutsi, bagizwe n’imiryango ine harimo na Uwiringiyimana Agathe wari Minisitiri w’Intebe, Nshamihigo Samuel, Faissa Mukashyaka,na Gasana Laurent.

Abakozi bo mu biro bya Minisitiri w’intebe bateye inkunga Urwibutso rwa Kigali ruherereye ku Gisozi, ingana n’ibihumbi 300 by’amafaranga y’u Rwanda.

Foto: Nkurunziza F.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza