IGIHE.com > Amakuru > U Rwanda
Ibyemezo by’Inama y’Abaminisitiri yo kuwa 14 Ugushyingo 2012

Ibyemezo by’Inama y’Abaminisitiri yo kuwa 14 Ugushyingo 2012


Yanditswe kuya 15-11-2012 - Saa 11:33' na Olivier Muhirwa

None kuwa Gatatu, tariki ya 14 Ugushyingo 2012, Inama y’Abaminisitiri yateraniye muri Village Urugwiro, iyobowe na Nyakubahwa Perezida wa Repubulika, Paul Kagame.

1. Inama y’Abaminisitiri yemeje Imyanzuro y’Inama y’Abaminisitiri yo kuwa 31/10/2012, imaze kuyikorera ubugororangingo.

2. Inama y’Abaminisitiri yemeje uburyo bushya bw’igena ry’igiciro cy’icyayi kibisi ku muhinzi w’icyayi mu Rwanda, bushingira ku giciro cy’icyayi gitunganijwe ku masoko mpuzamahanga, ubwo buryo butuma abahinzi b’icyayi bongera umusaruro wacyo mu bwinshi no mu bwiza.

3. Inama y’Abaminisitiri yemeje Politiki y’Igihugu igenga serivisi zitangwa n’Inkoranyabitabo,

4. Inama y’Abaminisitiri yagejejweho ibyangombwa bisabwa kugirango amarushanwa ya shampiyona nyafurika y’umupira w’amaguru mu mwaka wa 2016 (CHAN 2016), azabera mu Rwanda, ifata ingamba zo gufatanya n’abikorera kugirango azashobore kuhabera.

5. Inama y’Abaminisitiri yagejejweho imishinga n’ingamba zo guteza imbere ibikorwa remezo na serivisi bizatuma ubucuruzi bw’ u Rwanda n’amahanga butera imbere, isaba ko byihutishwa gushyirwa mu bikorwa.

6. Inama y’Abaminisitiri yemeje imishinga y’amategeko ikurikira:

• Umushinga w’itegeko ryemerera kwemeza burundu amasezerano y’inguzanyo yashyiriweho umukono i Tokyo mu Buyapani kuwa 12 Ukwakira 2012, hagati ya Repubulika y’u Rwanda n’Ikigega cya Saudi Arabia Gitsura Amajyambere, yerekeranye n’inguzanyo ingana na miliyoni mirongo ine n’umunani n’ibihumbi magana arindwi na mirongo itanu za Saudi Riyals /RIYALS SAOUDIEN (48.750.000 SAR) agenewe umushinga w’umuhanda Rubengera-Gisiza;

• Umushinga w’itegeko rishyiraho Ikigo cy’Igihugu gishinzwe ishyinguranyandiko n’inkoranyabitabo rikanagena inshingano, imiterere n’imikorere byacyo;

• Umushinga w’itegeko ryemerera kwemeza burundu iyinjizwa ry’u Rwanda mu Muryango w’Ibihugu bihuriye ku mashyamba yo muri Afurika yo hagati ;

• Umushinga w’itegeko ryemerera kwemeza burundu iyinjizwa ry’u Rwanda mu Muryango Mpuzamahanga wita ku mutungo kamere;

• Umushinga w’itegeko ryerekeye ubukerarugendo mu Rwanda
7. Inama y’Abaminisitiri yemeje amateka akurikira:

• Iteka rya Minisitiri w’Intebe rigena imiterere, imikorere n’abagize inama ngishwanama ku rwego rw’igihugu yita ku mazi

• Iteka rya Minisitiri w’Intebe rishyiraho inshingano z’abagize inama ngishwanama ku mikoreshereze y’ifumbire mvaruganda n’imiti bikoreshwa mu buhinzi n’ubworozi

• Iteka rya Minisitiri w’Intebe ryirukana burundu umushinjacyaha wo ku rwego rwisumbuye: Madamu KAMAGAJU Béatrice kubera amakosa yakoze
• Iteka rya Minisitiri rigena imenyekanisha, itangwa ry’impushya n’imbago ku bikorwa byerekeye ikoreshwa ry’amazi

• Iteka rya Mimisitiri rigena imiterere n’imikorere ya za komite zishinzwe ibibaya by’amazi

• Iteka rya Minisitiri rigena urutonde rw’ibihumanya amazi

• Iteka rya Minisitiri rigena imiterere n’ibikubiye mu masezerano y’igikingi cy’ubworozi bwo mu mazi n’uburobyi

• Iteka rya Minisitiri rigena imiterere y’ikusanyamakuru ku itunganywa ry’umutungo kamere w’amazi, imicungire, ikoreshwa n’imenyekanishwa ryawo

• Iteka rya Minisitiri rishyiraho ibyerekezo by’ingenzi by’imicungire y’amazi mu bibaya binini mu Rwanda

• Iteka rya Minisitiri rishyiraho inshingano z’umwanditsi w’imiti n’ifumbire mvaruganda bikoreshwa mu buhinzi n’ubworozi

• Iteka rya Minisitiri rishyiraho inshingano z’abagenzuzi b’ifumbire mvaruganda n’imiti bikoreshwa mu buhinzi no mu bworozi

• Iteka rya Minisitiri rigena ikiguzi cy’iyandikisha ry’imiti n’ifumbire mvaruganda bikoreshwa mu buhinzi no mu bworozi

• Iteka rya Minisitiri rigena amakuru y’ibanga atandikwa n’atari ibanga yandikwa mu gitabo cy’imiti n’ifumbire mvaruganda bikoreshwa mu buhinzi n’ubworozi

• Iteka rya Minisitiri rigena ibisabwa umuntu wese usaba uruhushya rwo gukora ubucuruzi bw’ifumbire mvaruganda n’imiti bikoreshwa mu buhinzi no mu bworozi.

8. Inama y’Abaminisitiri yashyize Abayobozi mu mwanya ku buryo bukurikira:

Muri Perezidansi ya Repubulika

 Bwana GATERA Franck: Umujyanama wa Minisitiri muri Perezidansi

Mu Nteko Ishinga Amategeko, Umutwe wa Sena

 Madamu UNEZASE Gisèle Yvette Marie: Umujyanama wa Visi Perezida wa Sena / Ushinzwe Ubutegetsi n’Imari

Muri Nteko Ishinga Amategeko, Umutwe w’Abadepite

• Madamu NZAMBIMANA Jeannette: Umujyanama wa Visi Perezida / Ushinzwe amategeko no kugenzura ibikorwa bya Guverinoma

• Bwana BUSHISHI Giovanni: Umujyanama wa Visi Perezida/Ushinzwe Ubutegetsi n’Imari

Muri za Minisiteri: Abajyanama b’Abaminisitiri n’Abanyamabanga ba Leta

• Capt KAYITANA Jean Damascene: Umujyanama wa Minisitiri w’Imicungire y’Ibiza no Gucyura Impunzi,

• Lt. Col. SIMBIZI Adolphe : Umujyanama wa Minisitiri w’Ingabo,

• Bwana MANIRABIZI Ayubu : Umujyanama wa Minisitiri w’Umutekano mu Gihugu,

• Bwana NUWAGABA KANUMA Stephen: Umujyanama wa Minisitiri w’Ubutegetsi bw’Igihugu,

• Bwana NZABONIMANA Guillaume Serge: Umujyanama wa Minisitiri wa Siporo n’Umuco,

• Bwana MUZOLA Aimé : Umujyanama wa Minisitiri w’Ibikorwa Remezo,

• Bwana KARANI Alexis: Umujyanama w’Umunyamabanga wa Leta Ushinzwe Ingufu n’Amazi muri MININFRA,

• Bwana HABINEZA Fidèle: Umujyanama w’Umunyamabanga wa Leta Ushinzwe Gutwara Abantu n’Ibintu muri MININFRA.

Muri MINISANTE

• Dr. Parfait UWALIRAYE: Umuyobozi Mukuru ushinzwe Igenamigambi, Ikurikirana n’Isuzumabikorwa,

Mu Kigo cy’Igihugu cy’Umutungo Kamere (RNRA)

• Madamu NISHIMWE Grace: Umwanditsi Wungirije w’Inyandiko Mpamo z’Ubutaka,

Muri MININFRA

• Bwana NDENGA Jules: Engineer ushinzwe Ibikorwa Remezo by’Imihanda na Gari ya Moshi,

Mu Kigo gishinzwe guteza Imbere Uburezi /REB

• Bwana MUJIJI Peter: Umuyobozi w’Ishami ry’Imirimo Rusange

• Madamu Louise KARAMAGE: Umuyobozi w’Ishami rishinzwe inguzanyo z’Abanyeshuri bo mu mashuri makuru SFAR

Mu Nama y’Igihugu y’Amashuri Makuru

• Bwana Fred MUGISHA: Umuyobozi ushinzwe Politiki, Ubushakashatsi n’Igenamigambi,

Muri IPRC y’Amajyaruguru

• Bwana GATABAZI Pascal: Umuyobozi wa IPRC,

• Bwana ABAYISENGA Emile: Umuyobozi Wungirije Ushinzwe Amahugurwa,

• Madamu KAYISIME Nzaramba: Umuyobozi Wungirije ushinzwe Ubutegetsi n’Imari,

Muri IPRC y’Amajyepfo

• Capt. Dr. TWABAGIRA Barnabe:Umuyobozi wa IPRC,

• Bwana UMUKUNZI Paul: Umuyobozi Wungirije ushinzwe Amahugurwa,

• Madamu MUSABE B. Liliane: Umuyobozi Wungirije ushinzwe Ubutegetsi n’Imari,

Muri IPRC y’Iburengerazuba

•Bwana MUGIRANEZA Jean Bosco: Umuyobozi wa IPRC,

•Bwana MUTANGANA Frederic: Umuyobozi Wungirije ushinzwe Amahugurwa,

Muri IPRC y’Iburasirazuba

•Bwana MUSONERA Ephrem: Umuyobozi Wungirije ushinzwe Amahugurwa,

• Bwana HABIMANA Kizito: Umuyobozi Wungirije ushinzwe Ubutegetsi n’Imari,

Mu Ntara : Abajyanama b’Abayobozi b’Intara

• Bwana KARAKE Ferdinand: Umujyanama w’Umuyobozi w’Intara y’Amajyaruguru

• Bwana MPAZIMPAKA Jean Claude: Umujyanama w’Umuyobozi w’Intara y’Amajyepfo

• Bwana NSENGIYUMVA Laurent: Umujyanama w’Umuyobozi w’Intara y’Iburengerazuba,

Mu Kigo cy’Igihugu gishinzwe Iterambere ryo Gutwara Abantu n’Ibintu (RTDA)

• Bwana KALISA MUHIGIRWA Guy: Umuhuzabikorwa w’Ishami rishinzwe ishyirwa mu bikorwa ry’imishinga (SPIU)

• Bwana GIHOZO MIVUGO François: Umuyobozi w’Ishami rishinzwe Amateme n’Ibiraro

• Bwana UWINEZA Josephine: Umuyobozi w’Ishami rishinzwe gutwara Abantu n’Ibintu muri Gari ya Moshi, Indege n’Amato

• Bwana DUSABE Théophile: Umuyobozi w’Ishami rishinzwe gahunda zo Gusana Imihanda

• Bwana NIYITEGEKA Aloys: Umuyobozi w’Ishami rishinzwe Imihanda n’Ibikoresho

• Bwana MUNYANEZA Georges: Umuyobozi w’Ishami rishinzwe gutera inkunga isanwa ry’Imihanda yo mu Turere

• Bwana HAGENIMANA Innocent: Umuyobozi w’Ishami rishinzwe Igenamigambi mu byerekeye Imihanda

Mu Nama y’Igihugu y’Abantu bafite Ubumuga

• Bwana TUYIZERE Oswald: Umuyobozi w’Ishami rishinzwe kubaka ubushobozi bw’Abafite ubumuga mu byerekeye Imibereho Myiza n’Ubukungu.

Mu Nama y’Igihugu y’Amashuri Makuru

Abagize Inama y’Ubuyobozi:

• Dr. GAHAKWA Daphrose, Perezida

• Dr. KAREGE Callixte, Visi Perezida

• Father Prof. Dr. NYOMBAYIRE Faustin,

• Dr. Laetitia NYINAWAMWIZA,

• Dr. Vedaste MUTARUTINYA,

• Dr. Anita ASIIMWE,

• Dr. Emile Rwamasirabo,

Muri SFB

Abagize Inama y’Ubuyobozi:

• Dr Diane Karusisi, Perezida

• Madamu MUJAWAMARIYA Godiose, Visi Perezida

• Bwana Elias BAYINGANA,

• Bwana NKURUNZIZA Mark,

• Madamu Florence KANEZA,

• Bwana Jan Van Velzen,

• Madamu Yvette MUKARWEMA

Mu Ruganda rw’Icyayi rwa Mata

• Bwana SENDEGE Norbert: Uhagarariye Guverinoma mu Nama y’Ubuyobozi,

Mu Ruganda rw’Icyayi rwa Kitabi

• Madamu UWINEZA RUREMESHA Clementine: Uhagarariye Guverinoma mu Nama y’Ubuyobozi,

• Mu Kigega Nyafurika cy’Ubufatanye /African Solidarity Fund

• Bwana HAKIZIMANA Obald: Uhagarariye Guverinoma mu Nama y’Ubuyobozi,

Mu Nama y’Igihugu y’Urubyiruko

• Bwana NSANZIMANA Tharcisse: Umuyobozi w’Ishami rishinzwe kubaka Ubushobozi bw’Urubyiruko mu byerekeye Imibereho n’Ubukungu,

Mu Bushinjacyaha Bukuru

• Bwana MUKESHIMANA Paul: Umujyanama w’Umushinjacyaha Mukuru

Mu Rwego rushinzwe Iterambere mu Rwanda (RDB)

• Madamu UWITONZE Jeanne d’Arc : Umuyobozi w’Ishami rishinzwe Ubutegetsi,

• Bwana KAYIGI Kajuga Leon : Umuyobozi w’Ishami rishinzwe Amategeko,

• Bwana NGENZI Yves : Umuyobozi w’Ishami rishinzwe Imitangire ya Serivise,

• Bwana KAZOORA Naphtal : Umuyobozi w’Ishami rishinzwe Iterambere ry’Amasosiyete y’Ubucuruzi,

• Bwana MUHIZI Robert : Umuyobozi w’Ishami rishinzwe ibikorerwa mu Nganda,

• Bwana BAJIJI Innocent : Umuyobozi w’Ishami rishinzwe kwita ku bamaze guhabwa serivisi /Aftercare,

• Madamu MUTESI LINDA : Umuyobozi w’Ishami rishinzwe Imikoranire n’Abakiriya n’Itangazamakuru,

Abagize Itsinda (Task Force) ryo gushyira mu bikorwa Umushinga wa Kaminuza y’u Rwanda :

1. Prof. Paul DAVENPORT: President Emeritus wo muri Kaminuza ya Western Ontario,

2. Sir David King wo muri Kaminuza ya Oxford,

3. Prof. MARGEE ENSIGN, Umyobozi wa Kaminuza ya Amerika iri muri Nijeriya,

4. Prof. Silas LWAKABAMBA, Umuyobozi wa Kaminuza y’u Rwanda,

5. Prof. George NJOROGE, Umuyobozi wa KIE,

6. Pr Reid WHITLOCK, Umuyobozi wa SFB,

7. Dr. Jeanne d’Arc MUJAWAMARIYA, Umuyobozi wa KIST,

9. Dr. James GASHUMBA, Umuyobozi w’Umutara Polytechnic,

10. Dr. Papias MUSAFIRI, Umuyobozi Wungirije ushinzwe amasomo muri SFB.

11. Dr Laetitia NYINAWAMWIZA, Umuyobozi w’Agateganyo wa ISAE.

9. Mu bindi

a) Minisitiri w’Uburezi yamenyesheje Inama y’Abaminisitiri ko nyuma y’uko Inama y’Abaminisitiri itanze amabwiriza ngenderwaho mu kubyutsa umushinga wa Laboratwari mu rwego rwo korohereza Kaminuza Nkuru y’Igihugu na KIST gukurikirana hakoreshejwe iyakure ubushakashatsi bukorerwa muri laboratwari y’Ishuri Rikuru rya Massachussetts (USA).

b) Minisitiri w’Umuryango wa Afurika y’Iburasirazuba yamenyesheje Inama y’Abaminisitiri ko Inama isanzwe ya 14 y’Abakuru b’Ibihugu bigize Umuryango wa Afurika y’Iburasirazuba iteganyijwe kuzabera i Nairobi muri Kenya tariki ya 30 Ugushyingo 2012.

Iyi Nama izabanzirizwa n‘Umwiherero w’Abakuru b’Ibihugu uzabera i Nairobi muri Kenya tariki ya 29 Ugushyingo 2012. Muri iyo nama, hazasuzumwa kandi raporo y’Inama y’Abaminisitiri kuri dosiye z’Ibihugu bya Sudani y’Epfo na Somalia bisaba kwinjira mu Muryango wa EAC.

c) Minisitiri w’Imicungire y’Ibiza no Gucyura Impunzi yamenyesheje Inama y’Abaminisitiri ko tariki 20 Ugushyingo 2012 i Kigali, ku Kimihurura, hazatangizwa ku mugaragaro gahunda ihuriweho y’amezi 26 kuva Ugushyingo 2012 kugeza Ukuboza 2014 yahariwe igikorwa cyo gucyura no gusubiza mu buzima busanzwe abanyanyarwanda bahunguka. Insanganyamatsiko y’iyo gahunda igira iti"Gucyura no gusubiza mu buzima busanzwe kandi ku buryo burambye abanyarwanda bahunguka“ .

Gushyira umukono kuri iyo gahunda ihuriweho bizakorwa hagati ya Minisitiri w’Imicungire y’Ibiza no Gucyura Impunzi na n’Umuhuzabikorwa by’Umuryango w’Abibumbye.

d) Umunyamabanga wa Leta ushinzwe Gutwara Abantu n’Ibintu muri Minisiteri y’Ibikorwa Remezo yamenyesheje Inama y’Abaminisitiri ko umunsi w’umutekano mu mihanda ya Afurika uba buri mwaka ku cyumweru cya gatatu cy’Ugushyingo. Mu Rwanda, uyu munsi uzizihizwa tariki ya 18 Ugushyingo 2012 ku nsanganyamatsiko igira iti "Dukaze umutekano mu muhanda tugamije iterambere rirambye“.

Mu Rwanda, umunsi w’umutekano mu mihanda ya Afurika uzakurikirwa n’icyumweru cyahariwe umutekano w’abagenda mu muhanda kizatangira tariki 18 kikageza ku ya 28 Ugushyingo 2012.

Iri tangazo ryashyizweho umukono na MUSONI Protais Minisitiri Ushinzwe Imirimo y’Inama y’Abaminisitiri

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO