Kwamamaza

Icyo Polisi ivuga kuri Mbanjimbere Pierre uherutse kuburirwa irengero

Yanditswe kuya 16-01-2013 saa 14:01' na Emmanuel Kanamugire
     


Nyuma y’aho Mbanjimbere Pierre, umuturage wo mu Kagali ka Nyabugogo, Umurenge wa Muhima yaburiwe irengero kuva ku wa Kane w’icyumweru gishize, Polisi iratangaza ko nta makuru yari yamenya ku mpamvu yaba yaratumye abura, kuko bigaragra ko ari we bwite iherereyeho.
Umuvugizi wa Polisi mu Mujyi wa Kigali, Spt Albert Gakara, avuga ko mu iperereza Polisi yakoze ku cyaba cyaratumye Mbanjimbere agenda, yasanze nta makimbirane yigeze agirana n’umuryango we cyangwa ku kazi aho yakoreraga. Bityo ngo, (...)

Nyuma y’aho Mbanjimbere Pierre, umuturage wo mu Kagali ka Nyabugogo, Umurenge wa Muhima yaburiwe irengero kuva ku wa Kane w’icyumweru gishize, Polisi iratangaza ko nta makuru yari yamenya ku mpamvu yaba yaratumye abura, kuko bigaragra ko ari we bwite iherereyeho.

Umuvugizi wa Polisi mu Mujyi wa Kigali, Spt Albert Gakara, avuga ko mu iperereza Polisi yakoze ku cyaba cyaratumye Mbanjimbere agenda, yasanze nta makimbirane yigeze agirana n’umuryango we cyangwa ku kazi aho yakoreraga. Bityo ngo, nta wundi ukekwa kuba yaragize urahare mu ibura rye.

Atangaza ko nta muntu n’umwe kugeza ubu urabasha gutanga amakuru y’aho Mbanjimbere yaba aherereye cyangwa ibyamubayeho, ariko ko ngo iperereza rikomeje.

Abo mu muryango we buvuga ko Mbanjimbere yagiye mu rukerera rwo ku wa Kane w’icyumweru gishize, ntawe abwiye aho agiye mu bari baraye mu rugo, ni ukuvuga umuhungu we Turikumwe Foestus n’umukozi wo mu rugo Twitegure Habimana Felix, kuko umugore we atari yaharaye bitewe n’uko asanzwe ari umunyeshuri i Huye.

Gakara asaba inzego z’ubuyobozi bw’ibanze kujya zikurikirana ibibazo abaturage baba bafite bikamenyeshwa Polisi kugira ngo ibone aho ihera ikumira ingaruka zabyo.

Mbanjimbere Pierre yari umushoferi utwara imodoka yo mu bwoka bwa Fuso, yakoreraga uwitwa Ngenzi JPaul. Hashize icyumweru abuze, akaba ajya kugenda yarasize ibyangombwa bye, telefoni n’imfunguzo z’imodoka yatwaraga, ariko ntiyavuga aho agiye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved