IGIHE.com > Amakuru > U Rwanda
Imfubyi zo mu Karere ka Muhanga na Kamonyi zorojwe ingurube

Imfubyi zo mu Karere ka Muhanga na Kamonyi zorojwe ingurube


Yanditswe kuya 15-03-2013 - Saa 02:54' na Olivier Rubibi

Umushinga uteza imbere igihingwa cy’ikijumba mu Ntara y’Amajyepfo, iy’Iburasirazuba no mu Ntara y’Amajyaruguru Sasha watangije igikorwa cyo gufasha abana b’imfubyi n’abari n’abategarugori babana n’ubwandu bw’agakoko gatera SIDA kwiteza imbere,aho bahawe ingurube zo korora.

Uwamahoro Françoise wibumbiye mu itsinda rya ‘Duhugurane’ yatangarije IGIHE ko basubijwe kuba bahawe ingurube. Ubusanzwe ngo ifumbire mu Murenge wa Shyogwe ko mu Karere ka Muhanga yabonaga umugabo igasiba undi, kuko akarundo gato k’ifumbire kagura amafaranga ibihumbi bitanu y’u Rwanda, Uwamahoro rero amafaranga yavanaga mu gihingwa cy’ibijumba yahitaga ayajyana mu kugura ifumbire.

Uwamahoro yagize ati “Turasubijwe kuba duhawe itungo riduha agafumbire.”

Nyirahabimana Christine umukozi mu mushinga Sasha yatangaje ko batanze izi ngurube nyuma y’aho abaturage babagaragarije ikintu cyabafasha byihuse mu kubona ifumbire bakwifashisha mu buhinzi bakora, nyuma yo kuganira n’abaturage basanze itungo rya babafasha ari ingurube niko gutangira gushakisha iri tungo hirya no hino.

Ingurube zatanzwe zifite agaciro ka miliyoni imwe n’igice z’amafaranga y’u Rwanda. Amatungo y’ingurube yahawe abana b’imfubyi n’abari n’abategarugori babana n’ubwandu bw’agakoko gatera SIDA yatanzwe mu turere twa Kamonyi na Muhanga.

Uwamahoro Françoise ibyishimo byari byose nyuma yo guhabwa ingurube

SASHA ikorera mu bihugu 10 by’Afurika, ikaba yibanda ku musaruro w’ibijumba no kubibyaza umusaruro. Uyu mushinga wageze mu Rwanda mu mwaka 2010.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO