IGIHE.com > Amakuru > U Rwanda
Imyaka yo kwiga Kaminuza igiye kugabanywa

Imyaka yo kwiga Kaminuza igiye kugabanywa


Yanditswe kuya 15-03-2013 - Saa 21:36' na Izuba Rirashe

Minisiteri y’Uburezi iravuga ko igiye kugabanya imyaka yo kwiga Kaminuza ; ikava kuri ine ikaba itatu.

Minisitiri Vincent Biruta yabwiye abanyamakuru kuri uyu wa 13 Werurwe 2013 ; ko iyi gahunda igikorerwa inyigo ; ariko bikunze ikaba yatangirana na gahunda ya Kaminuza imwe muri Nzeri 2013.

Iri gabanya ry’igihe umuntu amara yiga Kaminuza ntirizagabanya agaciro k’impamyabumenyi cyangwa impamyabushobozi zatangwaga ; cyangwa se ngo rigire icyo bihindura ku masomo asanzwe yigishwa.

Iyi gahunda igamije kuzamura ireme ry’uburezi mu Rwanda no kugabanya ikiguzi cyo kwiga Kaminuza ; ibi ngo bikazafasha mu kuzamura umubare w’abanyeshuri.

Minisitiri Biruta yasobanuye abanyamakuru ko iyi gahunda yo kugabanya umubare w’imyaka umunyeshuri yiga muri Kaminuza ; izatuma u Rwanda ruhangana mu ruhando rw’izindi Kaminuza zo mu karere ndetse no ku Isi hose ; abayisohotsemo bakazaba bashoboye guhangana ku isoko mpuzamahanga ry’umurimo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO