Kwamamaza
  IGIHE.com

Imyanzuro y’umwiherero wa 9 w’abayobozi yagezweho hejuru ya 80%

Yanditswe kuya 2-04-2013 saa 07:37' na Ange de la Victoire Dusabemungu
     


Imyanzuro yafatiwe mu mwiherero wa 9 w’abayobozi yashyizwe mu bikorwa ku kigereranyo cya 81,5% mu gihe 14,7% yakozwe igice, na ho 4,2 by’imyanzuro yari yafashwe ntiyabashije gushyirwa mu bikorwa.
Ibi byatangajwe ku wa 1 Mata 2013 mu kiganiro cyahuje abanyamakuru n’abayobozi batandukanye b’igihugu, cyari kigamije gusobanura imwe mu myanzuro yafatiwe mu mwiherero wa 10 w’abayobozi uherutse kubera mu karere ka Gatsibo.
Zimwe mu mpamvu zatumye hari imyanzuro imwe n’imwe itagerwaho harimo ikibazo (...)

Imyanzuro yafatiwe mu mwiherero wa 9 w’abayobozi yashyizwe mu bikorwa ku kigereranyo cya 81,5% mu gihe 14,7% yakozwe igice, na ho 4,2 by’imyanzuro yari yafashwe ntiyabashije gushyirwa mu bikorwa.

Ibi byatangajwe ku wa 1 Mata 2013 mu kiganiro cyahuje abanyamakuru n’abayobozi batandukanye b’igihugu, cyari kigamije gusobanura imwe mu myanzuro yafatiwe mu mwiherero wa 10 w’abayobozi uherutse kubera mu karere ka Gatsibo.

Zimwe mu mpamvu zatumye hari imyanzuro imwe n’imwe itagerwaho harimo ikibazo cy’ubumenyi buke ku bagombaga kuyishyira mu bikorwa, kuba abikorera bataragize uruhare rugaragara ndetse n’imikoranire itaragenze neza.

Umuyobozi w’ikigo cy’imiyoborere (RGB), Prof. Shyaka Anastase avuga ko muri rusange iyo myanzuro yashyizwe mu bikorwa ku buryo bushimishije kuko ari ubwa mbere ishyirwa mu bikorwa ku kigereranyo kirenze 80%.

Minisitiri mu biro bya Perezida wa Repubulika, Tugireyezu Vénantie avuga ko imyanzuro itaragezweho igomba kuba yashyizwe mu bikorwa bitarenze muri Kamena 2013.

Avuga ku biganiro byavugiwe mu mwiherero wa 10 w’abayobozi b’igihugu, Tugireyezu yavuze ko hafashwe imyanzuro itandukanye irimo gukorana n’abikorera, gushyira imbaraga mu bikorwa remezo no kuvugurura imikorere n’imikoranire hagati y’inzego hagamijwe ko ubukungu bw’u Rwanda bwazamuka bukagera ku gipimo cya 11,5% mu gihe cy’imyaka 7 iri mbere.

Asobanura gahunda y’imbaturabukungu mu kurwanya ubukene (EDPRS2), Minisitiri w’imari n’igenamigambi Ambasaderi Claver Gatete yavuze ko hafashe umwanzuro w’uko kugeza mu 2017, umubare w’abafite ubukene bukabije uzamanuka ukagera nibura ku 10%.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved