Kwamamaza

INILAK: Abanyeshuri 631 bahawe impamyabumenyi ku nshuro ya Gatanu

Yanditswe kuya 28-02-2013 saa 17:39' na Olivier Rubibi
     


Kuri uyu wa 28 Gashyantare umwaka 2013, Ishuri Rikuru ry’Abadivantisiti b’Abalayiki ya Kigali (INILAK) yahaye impamyabumenyi abanyeshuri 631 bigaga mu mashami y’ubucungamari, amategeko ndetse n’ikoranabuhanga mu icungamutungo barimo abagabo 236 n’abagore 395 barangije muri iri shuri mu mwaka 2011-2012.
Mu muhango wo gutanga izi mpamyabumenyi Dr. Rwanamiza Erasme wari waje ahagarariye Minisitiri w’Uburezi yavuze ko ibibazo byose u Rwanda rufite bizakemurwa n’Abanyarwanda ubwabo kandi (...)

Kuri uyu wa 28 Gashyantare umwaka 2013, Ishuri Rikuru ry’Abadivantisiti b’Abalayiki ya Kigali (INILAK) yahaye impamyabumenyi abanyeshuri 631 bigaga mu mashami y’ubucungamari, amategeko ndetse n’ikoranabuhanga mu icungamutungo barimo abagabo 236 n’abagore 395 barangije muri iri shuri mu mwaka 2011-2012.

Mu muhango wo gutanga izi mpamyabumenyi Dr. Rwanamiza Erasme wari waje ahagarariye Minisitiri w’Uburezi yavuze ko ibibazo byose u Rwanda rufite bizakemurwa n’Abanyarwanda ubwabo kandi bajijutse, ari yo mpamvu buri muntu ufite ubushobozi akwiriye gutanga ubufasha mu guha uburere abana b’Abanyarwanda.

Dr. Rwanamiza yashimiye amashuri yigenga uko akomeje gutanga umusanzu wabo mu guteza imbere igihugu atanga uburere ku bana b’u Rwanda. Yagize ati “Mukomeze ibikorwa byanyu by’indashyikirwa byo kurerera u Rwanda, mutange uburere bufite ireme aho abana bacu bazajya bahangana ku isoko ry’umurimo. Mujye mwipima n’amashuri y’ahandi mukora ibizamini biturutse ku yandi mashuri, kugira ngo abana b’u Rwanda bakomeze gukora neza.”

Umuyobozi w’ishuri rikuru rya INILAK Dr. Ngamije Jean yashimye Leta y’u Rwanda ikomeje guha ubwisanzure Abanyarwanda cyane cyane yimakaza iterambere rirambye. Agira ati “Abanyarwanda dufite Leta nziza ikomeje kuduha icyerekezo cyiza natwe ababyeyi ntabwo tuzahwema guha uburere bwiza abana b’Abanyarwanda.”

Dr. Ngamije yakomeje avuga ko INILAK izakomeza guteza imbere igihugu irwanya ubujiji mu banyarwanda.

Umuyobozi uhagarariye INILAK mu rwego rw’amategeko, Pastor Ruhaya Ntwali Assiel yavuze ko iryo shuri rikomeje kwigisha abanyeshuri barigana kwihangira imirimo; ati “ni yo mpamvu yatumye dushyiraho ishami ryigisha ibirebana n’amakoperative.”

INILAK rimaze guha impamyabumenyi abanyeshuri 2852 mu nshuro eshanu kuva iri shuri ryashingwa mu mwaka 1997.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved