IGIHE.com > Amakuru > U Rwanda
Inzego zibanze zirasabwa kudasiragiza abashoramari mu kubona ubutaka

Inzego zibanze zirasabwa kudasiragiza abashoramari mu kubona ubutaka


Yanditswe kuya 27-01-2013 - Saa 10:48' na James Habimana

Nyuma yaho hagiye hagaragarira ikibazo cyo kudindiza abashoramari kubona ubutaka mu bice bimwe na bimwe mu Rwanda, Minisitiri w’ubutegetsi bw’igihugu arasaba inzego zitandukanye guhagurukira iki kibazo kuko ngo bikomeje kudindiza urwego rw’ishoramari.

Mu nama yahuje abayobozi b’inzego z’ibanze n’abikorera yo ku wa 25 Mutarama 2013, Minisitiri Musoni James yavuze ko nyuma yaho ibibazo byo kudaha abashoramari ibyangombwa byo gukoreraho bigaragariye mu karere ka Rusizi mu Burengerazuba, ngo umwe muri bo yamaze imyaka irenga ibiri nta byangombwa ubuyobozi bw’akarere bumuha, kimwe n’undi wo mu karere ka Gicumbi, washakaga kubaka uruganda rutunganya Ikawa, ariko agakomeza gusiragizwa aho ngo amaze imyaka itatu yose atarabihabwa.

Minisitiri Musoni James yatangaje ko Leta ikwiye guhagurukira iki kibazo kuko bigaragara ko gikomeje gufata intera, bityo ibi bikaba bidindiza urwego rw’ishoramari u Rwanda rumaze kugeraho.

Minisitiri w’intebe Pierre Damien Habumuremyi, yatangaje ko iki kibazo cyo gukerereza abashoramari kubona ibyangombwa, bikwiye kurangira, umuyobozi w’akarere ufite ikibazo cy’ubutaka, akajya abimenyesha Minisitiri ufite ubutegetsi bw’igihugu mu nshingano ze, bityo abashoramari ntibakomeze kudindizwa mu iterambere baba bazaniye Abanyarwanda.

Abikorera na bo basabwe kujya batanga amakuru y’aho bahawe serivisi mbi, ntibigarukire ku muyobozi w’akarere gusa.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO