Kwamamaza
  IGIHE.com

ISPG mu bufatanye mu myigishirize na kaminuza ya Stanford

Yanditswe kuya 1-01-2013 saa 09:27' na IGIHE
     


Ishuri rikuru rya ISPG mu rwego rw’uburezi rigiye kujya rifatanya na Kaminuza ya Stanford yo muri Leta Zunze Ubumwe z’Amerika, ibi bikaba byemejwe n’amashuri yombi nyuma yuko Stanford University isuye ISPG ku wa 31 Ukuboza 2012.
Mu kwezi kwa Nzeri 2012 nibwo ishuri rikuru rya ISPG ryasuye Stanford University yo muri Leta Zunze Ubumwe z’Amerika, ngo rirebe byinshi ryayigiraho ndetse harebwe ko habaho ubufatanye mu rwego rw’imyigishirize dore ko kaminuza ya Stanford iri ku mwanya wa gatatu ku (...)

Ishuri rikuru rya ISPG mu rwego rw’uburezi rigiye kujya rifatanya na Kaminuza ya Stanford yo muri Leta Zunze Ubumwe z’Amerika, ibi bikaba byemejwe n’amashuri yombi nyuma yuko Stanford University isuye ISPG ku wa 31 Ukuboza 2012.

Mu kwezi kwa Nzeri 2012 nibwo ishuri rikuru rya ISPG ryasuye Stanford University yo muri Leta Zunze Ubumwe z’Amerika, ngo rirebe byinshi ryayigiraho ndetse harebwe ko habaho ubufatanye mu rwego rw’imyigishirize dore ko kaminuza ya Stanford iri ku mwanya wa gatatu ku rwego rw’Isi mu myigishirize, nyuma ya California Institute of Technology na Harvard University nk’uko tubikesha urutonde rwasohotse muri Mutarama 2012 ku mbuga nka webometrix, 4icu na the world universityranking.

Ubwo Ubuyobozi bwa ISPG bwasuraga Kaminuza ya Stanford, ISPG yasabye iyo kaminuza ko yayifasha mu kuyunganira mu kubona ibikoresho, abarimu no kubahugura mu myigishirize, Stanford yarabyemeye maze yemerera ISPG ko muri urwo rwego izabasura maze hakabaho kuganira ku bikenewe bigakorwa.

Abayobozi ba Kaminuza ya Stanford bakaba basuye ISPG mu rwego rw’ubutwererane kuri Kaminuza zose, Dr. Andrew Patterson waruhagarariye Stanford yijeje ISPG ubuterankunga bushoboka, cyane cyane ku ishami ry’ubuganga ISPG ishaka gutangiza.

Dr. Andrew yongeyeho ko nubwo nabo bafite ubushobozi hari byinshi bazigira kuri ISPG, ngo kuba mu bitaro bya Gitwe n’ahandi mu Rwanda bazabasha kubona indwara zitaba iwabo, bityo bikabafasha kuzigaho biruseho.

Mu rugendo rw’abayobozi ba Kaminuza ya Stanford bagiriye muri ISPG, basuzumye uburyo bazajya bigishiriza abanyeshuri ba ISPG muri gahunda y’iyakure (E-Learning/Distance Learning) kugirango habeho koroshya no guhererekanya ubumenyi buturutse mu barimu ba Kaminuza ya Stanford.

Umuyobozi w'ishami rya Medecine i Stanford yakira Urayeneza Gerard muri Nzeri 2012.
Stanford isobanura uburyo bazigisha bw'iyakure.
Ifoto y'urwibutso hagati ya ISPG na Stanford University

Nkuru ya Jean Damascene Ntihinyuzwa

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved