“Iterambere ry’Abanyarwanda ntiryagerwaho ubutaka bwigira mu Misiri”

Yanditswe na Rene Anthere Rwanyange
Kuya 25 Ugushyingo 2012 saa 10:40
Yasuwe :
0 0

Iterambere ry’Abanyarwanda rishingiye ku gukorana umuhate no kubungabunga ibyo bamaze kugeraho. Ntabwo iterambere ry’Abanyarwanda ryagerwaho uko bikwiye ubutaka bwabo bwigira mu Misiri.
Musoni Protais Minisitiri ushinzwe ibikorwa by’inama y’abaminisitiri yabitangaje mu muganda wo kurwanya isuri, hacukurwa gucukura imiringoti muri imwe mu mirima iherereye mu karere ka Gatsibo, mu murenge wa Kiramuruzi.
Musoni yibukije abaturage b’Akarere ka Gatsibo, umuganda icyo ari cyo. Yagize ati “Umuganda (...)

Iterambere ry’Abanyarwanda rishingiye ku gukorana umuhate no kubungabunga ibyo bamaze kugeraho. Ntabwo iterambere ry’Abanyarwanda ryagerwaho uko bikwiye ubutaka bwabo bwigira mu Misiri.

Musoni Protais Minisitiri ushinzwe ibikorwa by’inama y’abaminisitiri yabitangaje mu muganda wo kurwanya isuri, hacukurwa gucukura imiringoti muri imwe mu mirima iherereye mu karere ka Gatsibo, mu murenge wa Kiramuruzi.

Musoni yibukije abaturage b’Akarere ka Gatsibo, umuganda icyo ari cyo.
Yagize ati “Umuganda ni igiti umuntu yitwazaga agiye guha ubufasha mugenzi we igihe yabaga yubaka inzu.’ Abanyarwanda umuganda bakwiye kuwugira uwabo, bakareka kuwufata nk’igikorwa cy’umuyobozi w’umurenge ngo bawukore bacunganwa n’ubuyobozi, kadi bagomba kwiyumvisha ko ari igikorwa cy’amajyambere.”

Musoni yasabye abaturage batuye mu murenge wa Kiramuruzi gukora uko bashoboye bagafata amazi aturuka ku mabati yabo, mbere y’uko uyu mwaka urangira.

Nsengimana Jean Philbert Minisitiri w’urubyiruko n’ikoranabuhanga yavuze ko Abanyarwanda ari bo mbaraga z’igihugu, ati “Umuganda ugomba kuba umuco.”

Kalisa John umuturage w’umworozi mu karere ka Gatsibo yatangarije IGIHE ko mu bihe by’imvura isuri yibasira ako karere kubera ko amazi ava ku mabati y’abaturage aba menshi agatwara ubutaka.

Umuganda witabiriwe n’ame mu masosiyete acuruza itumanaho mu Rwanda, Tigo na Airtel na bo batanze umusanzu mu gucukura imiringoti.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza