Kwamamaza Tigo_ P2P

Kaminuza ya kibogora ngo bayitezeho byinshi

Yanditswe kuya 25-11-2012 saa 09:51' na IGIHE
     


Abacururiza muri centre ya Tyazo iherereye mu Murenge wa Kanjongo ho mu Karere ka Nyamasheke barasanga ngo gutangira kwa kaminuza ya Kibogora ari igisubizo ku bucuruzi bwabo aho ngo bagiye kunguka abandi bakiliya bashya, bityo ubucuruzi bwabo bukaba buzarushaho kugenda neza.
Iyi centre ya Tyazo ubusanzwe hahora urujya n’uruza rw’abantu ahanini usanga bituruka kukuba hari ibikorwa byinshi bituma haza abantu baturutse mu tundi duce birimo amashuri, ndetse n’ibitaro bya Kibogora bigira ababigana (...)

Abacururiza muri centre ya Tyazo iherereye mu Murenge wa Kanjongo ho mu Karere ka Nyamasheke barasanga ngo gutangira kwa kaminuza ya Kibogora ari igisubizo ku bucuruzi bwabo aho ngo bagiye kunguka abandi bakiliya bashya, bityo ubucuruzi bwabo bukaba buzarushaho kugenda neza.

Iyi centre ya Tyazo ubusanzwe hahora urujya n’uruza rw’abantu ahanini usanga bituruka kukuba hari ibikorwa byinshi bituma haza abantu baturutse mu tundi duce birimo amashuri, ndetse n’ibitaro bya Kibogora bigira ababigana biganjemo abaturutse mu tundi turere hakiyongeraho n’abakozi baba bahakora ibi bikaba byatuma ubucuruzi bukorewe muri iyi centre bugenda neza.

Icyakora ngo ubu bungutse abandi bakiriya nyuma yaho kaminuza ya Kibogora itangiriye babona ari izindi mbaraga babonye mu bucuruzi bwabo ngo n’ubwo imaze igihe gito itangiye, abacururiza muri iyi centre basanga hari impinduka batangiye kubona.

Nubwo bishimirako iyi kaminuza hari izindi mbaraga izongera mu bucuruzi bwabo bityo bigatuma babasha gutera imbere naho batuye, hari n’impungenge ko ngo amazu yaba agiye kubura bitewe n’izamuka ry’ibiciro by’ubukode.

Kuri iki kibazo, Visi Perezida w’abacuruzi mu Karere ka Nyamasheke abamara impungenge ko ngo nyuma y’aho mu rwego rwo kunoza imyubakire ijyanye n’igihe cyane mu ma centres y’ubucuruzi babifashijwemo n’akarere ubu bakoze ingendo shuri hakaba hari izindi nzu zigiye kuhazamuka nyinshi kandi ku butaka buto.

Centre y’ubucuruzi ya Tyazo ntawashidikanya kuvuga ko ifaranga rigiye kwisuka ku bwinshi kuko usibye n’iyo kaminuza, n’umuhanda wa kaburimbo ubwawo ngo hari byinshi wabafashije birimo kubonera ibicuruzwa baranguye ku gihe dore ko ngo mbere wasangaga n’umuhanda nawo warashoboraga kudindiza ubucuruzi bwabo; kuri bo ngo ayo mahirwe yose begerejwe babona iterambere ry’igihugu rihereye kuri bo atari ibyo bashakisha kuko ngo uburyo barabufite igisigaye n’ukongera amasaha yo gukora.

Orinfor

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved