Kamonyi: Nyuma yo gutaha akagari imiryango 17 yahise isezerana

Yanditswe na Olivier Muhirwa
Kuya 15 Werurwe 2013 saa 03:42
Yasuwe :
0 0

Muri gahunda y’imiyoborere myiza no gukumira amakimbirane mu muryango, imiryango 17 yo mu Kagari ka Taba yabanaga mu buryo butemewe n’amategeko, yasezeranye imbere y’ubuyobozi bw’Umurenge wa Rukoma.
Iki gikorwa cyabereye kuri uyu wa kane tariki ya 14 Werurwe 2013 imbere y’ibiro bishya by’Akagari ka Taba, byari byitabiriwe n’imiryango y’abiyemeje gushinga urugo mu buryo bwubahirije amategeko, abayobozi ku rwego rw’Akagari ndetse n’Umurenge.
Uwizeyimana Marie wasezeranye na Karangwa Nicolas ni (...)

Muri gahunda y’imiyoborere myiza no gukumira amakimbirane mu muryango, imiryango 17 yo mu Kagari ka Taba yabanaga mu buryo butemewe n’amategeko, yasezeranye imbere y’ubuyobozi bw’Umurenge wa Rukoma.

Iki gikorwa cyabereye kuri uyu wa kane tariki ya 14 Werurwe 2013 imbere y’ibiro bishya by’Akagari ka Taba, byari byitabiriwe n’imiryango y’abiyemeje gushinga urugo mu buryo bwubahirije amategeko, abayobozi ku rwego rw’Akagari ndetse n’Umurenge.

Uwizeyimana Marie wasezeranye na Karangwa Nicolas ni bamwe mu basezeranye mu mategeko. Uyu mugore yavuze ko kuba agiye kubana n’umugabo mu buryo bwemewe n’amategeko bimuhaye icyizere cy’imibanire yabo myiza y’ejo hazaza, kandi ko bizatuma agira ijambo mu rugo rwe cyane ko buri gihe yahoraga yikanga ko umugabo we ashobora kumwirukana mu rugo akishakira undi.

Uyu mubyeyi yavuze ko kandi kuba asezeranye bimuhaye icyizere ku mitungo hagati ye n’uwo basezeranye kuzabana akaramata.

Ku ruhande rw’Uubuyobozi bw’Umurenge wa Rukoma Muvunyi Etienne yavuze ko iki gikorwa cyo gushyingira mu buryo bwemewe n’amategeko bagikora buri gihe iyo hari abigishijwe bakemera gusezerana byemewe, mu rwego rwo kwimakaza imibanire myiza mu muryango nyarwanda.

Uyu muyobozi, yemera ko iyo abantu banyuze mu nzira z’amategeko bagashyingirwa bituma bagira icyizere cyo kubana neza, kandi buri wese akumva atuje kuko haba hari itegeko rimurengera igihe umwe muri bo atubahirije inshingano hagati y’abashakanye.

Iki gikorwa cyo gusezeranya iyi miryango cyahuriranye no gutaha ibiro by’Akagari ka Taba byubatswe n’abaturage ubwabo binyujijwe mu miganda, babifashijwemo n’Ubuyobozi bw’Akarere ka Kamonyi n’Umurenge wa Rukoma, Aka Kagari kuzuye, gafite gaciro k’amafaranga hafi miliyoni indwi y’u Rwanda.

Faustin Ntakirutimana Ushinzwe Itangazamakuru mu Karere ka Kamonyi


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza