IGIHE.com > Amakuru > U Rwanda
Kayonza : Umugore arakekwaho gucuruzanya urumogi n’abagabo 3  b’i Kigali

Kayonza : Umugore arakekwaho gucuruzanya urumogi n’abagabo 3 b’i Kigali


Yanditswe kuya 17-01-2013 - Saa 08:28' na Jotham Ntirenganya

Polisi y’igihugu yataye muri yombi umugore ukekwaho gucuruza ibiyobyabwenge, mu kagari ka Kayonza, Umurenge wa Mukarange, Akarere ka Kayonza ku wa 15 Mutarama 2013.

Urubuga rwa Polisi dukesha iyi nkuru ruvuga ko ukekwaho icyaha ari we Gerardine Mutesi, yafatanwe ikiro cy’urumogi, akaba akurikiranwe hamwe na bagenzi be batatu.

Abakekwaho gukorana n’uyu mu gore ni abagabo baturuka mu mujyi wa Kigali ari bo Bizimana Jean Damascene, utuye Kimironko na Munezero Radjab utuye Kacyiru, bose bo mu Karere ka Gasabo ndetse na Issa Zuber, utuye i Nyamirambo mu karere ka Nyarugenge. Abo bose ngo bafashwe kuri uwo munsi ubwo bagurishaga urumogi.

Guhinga, gucuruza, cyangwa gutunda ibiyobyabwenge ndetse no ku binywa bihanwa n’itegeko ry’u Rwanda.

Ingingo ya 594 y’itegeko mpuzamahanga rivuga ko ufashwe akoresha ibiyobyabwenge atabyemerewe n’amategeko, ahanishwa igifungo kiri hagati y’imyaka 3 n’itanu, agatanga n’amande y’amafaranga y’u Rwanda 500, 000 kugeza kuri miliyoni 5.

Ibiyobyabwenge bigira ingaruka y’imitekerereze, bishobora no gutera indwara y’umutima, kwibagirwa, ndetse no gucika intege ku mubiri.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO