IGIHE.com > Amakuru > U Rwanda
Kenya: Hari kubakwa umujyi wa mbere muri Afurika mu ikoranabuhanga

Kenya: Hari kubakwa umujyi wa mbere muri Afurika mu ikoranabuhanga


Yanditswe kuya 24-01-2013 - Saa 11:16' na James Habimana

Perezida wa Kenya Mwai Kibaki, yatangije iyubakwa ry’umujyi yizera ko uzaba ari uwa mbere mu bijyanye n’ikoranabuhanga muri Afurika mu gikorwa kizamara imyaka irenga 20.

Uyu mujyi uherereye ku bilometero 60 uvuye mu murwa mukuru Nairobi, ukaba ugiye kubakwa mu rwego rwo gukomeza guteza imbere ibikorwa by’ikoranabuhanga muri Afurika y’Iburasirazuba; ukazaba umeze nk’umujyi wa Silicon uzwiho kugira ikoranabuhanga muri Leta Zunze Ubumwe za Amerika.

Uko uyu mujyi uzaba umeze

Perezida Kibaki yatangaje ko kubaka uyu mujyi nanone biri mu rwego rwo kongera ibikorwa by’ishoramari muri iki gihugu, kongera akazi no kugira Kenya igihugu ntangarugero mu bijyanye n’ikoranabuhanga muri Afurika.

Yaboneyeho gusaba abashoramari bo mu muryango wa Afurika y’Iburasirazuba gufatira kuri aya mahirwe bagize yo kugira umujyi uteye imbere mu ikotanabuhanga, bagahashora imari bakiteza imbere.

BBC ivuga ko uyu mujyi uherereye mu gace ka Konza uzatwara amadolari ya Amerika miliyari 14.5, ukazaba urimo ibikorwa by’ubucuruzi, za Kaminuza zikora ubushakashatsi ku rwego rwo hejuru, ibitaro bigezweho n’ibijyanye no kurwanya ibiza hirya no hino ku isi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO