IGIHE.com > Amakuru > U Rwanda
Kicukiro: FUSO yabuze feri yararika ibinyabiziga

Kicukiro: FUSO yabuze feri yararika ibinyabiziga


Yanditswe kuya 17-11-2012 - Saa 12:13' na Emmanuel Kwizera

Imodoka yo mu bwoko bwa FUSO, yateje impanuka ubwo yaturukaga i Nyanza ya Kicukiro yerekeza SONATUBES.

Iyi mpanuka nta we yahitanye, ariko hangirikiyemo ibinyabiziga.

Imbere y’isoko ahazwi ku izina rya Kicukiro Centre ni ho yabereye FUSO ikaba yamanutse yabuze feri nk’uko abayibonye babitubwiye.

Yabanje kugonga ivatiri, na yo ihita igonga Tagisi yari itwaye abantu. Ivatiri yakomeje igonga kwasiteri yari iparitse itegereje abagenzi.

FUSO yakomeje imanukana umuvuduko udasanzwe iba igonze indi tagisi yari iri imbere, bituma iyi tagisi na yo igonga moto esheshatu zari ziparitse zitegereje abagenzi.

Ntibyarangiriye aha kandi kuko FUSO yakomeje imanuka ikagonga indi kwasiteri, bituma kwasiteri ita umuhanda ivogera ubusitani bw’Ikigo cy’Ishuri cya ETO Kicukoro igonga n’ipoto y’amashanyarazi iri aho hafi.

FUSO yakomeje urugendo ihura n’imodoka y’Umunyamabanga Nshingabikorwa w’Umurenge wa Kicukiro iyigonga iyiganishwa mu busitani bw’ishuri rya Kicukiro FUSO yo ikomeza kurusha imbaraga iyi modoka [y’Umunyamabanga Nshingabikoirwa] kugeza aho yayimenesheje urukuta (urupangu) rw’ikigo cya ETO Kicukiroyinjiramo imbere.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO