Kwamamaza

Kicukiro: Ikibanza cyabaye ubwihisho bw’abiba akabariro

Yanditswe kuya 19-11-2012 saa 09:52' na Olivier Rubibi
     


Abatuye Kicukiro ndetse n’abaturuka hanze yayo baba bashaka gutera akabariro bakaba badafite amafaranga yo kujya mu mahoteri cyangwa muri Lodge, abandi banga ko babamenya, babonye ahatishyurwa mu kagari ka Rukatsa, Umurenge wa Kagarama, Akarere ka Kicukiro.
Ubu bwihisho ni ishyamba ry’inzitane riri aho umunyamari Rujugiro yimuye abantu ariko hakaguma aho nta kintu kihakorerwa nyuma hakaza gushibuka ishyamba ry’inzitane kuri ubu risigaye ryarabaye ubuvumo bwahakorerwa ibibi.
Abaturage (...)

Abatuye Kicukiro ndetse n’abaturuka hanze yayo baba bashaka gutera akabariro bakaba badafite amafaranga yo kujya mu mahoteri cyangwa muri Lodge, abandi banga ko babamenya, babonye ahatishyurwa mu kagari ka Rukatsa, Umurenge wa Kagarama, Akarere ka Kicukiro.

Ubu bwihisho ni ishyamba ry’inzitane riri aho umunyamari Rujugiro yimuye abantu ariko hakaguma aho nta kintu kihakorerwa nyuma hakaza gushibuka ishyamba ry’inzitane kuri ubu risigaye ryarabaye ubuvumo bwahakorerwa ibibi.

Abaturage baturiye iri shyamba baganiriye n’Ikinyamakuru IGIHE badutangarije ko iri shyamba ryabujije abantu barituriye kugenda nijoro kuko udashobora kwibeshya ngo uhanyure nyuma ya saa moya z’umugoroba.

Reverie umuturage uturiye iri shyamba avuga ko yaba Leta yaba Rujugiro bababarira bagashyira ibikorwa aha hantu cyangwa niba babona bizamara igihe kinini bazahahe abaturage bahahinge aho kugira ngo habe ubuturo bw’inkozi z’ibibi.

Akomeza avuga ko bamaze kuhamburira abantu batagira ingano ndetse abakobwa n’abagore bakaba bamburwa byarangiza bakanasambanya ku ngufu. Agira ati “iri shyamba ni Lodge y’ubuntu kubera ko iyo bumaze kugoroba imodoka z’ama jeep aza agaparika ubundi bakaryinjira. Usibye gusambaniramo, gucururizamo urumogi dukeka ko hashobora kuba hakorerwamo n’ibindi birenze ibyo dukeka.”

Mukamurangwa Esperance wunze mu rya Reverie yavuze ko iri shyamba baherutse kuritoraguramo uruhinja, ati “ Leta nitadutabara turashize.”

Umuyobozi w’Akarere ka Kicukiro Ndamage Paul Jules mu nama yagiranye n’abaturage nyuma y’umuganda wo ku wa Gatandatu 27 Ukwakira 2012, yavuze ko ririya shyamba rigomba gutemwa.

Yakoresheje aya magambo: “Iriya Hoteli yifashishwa n’abantu badafite amikoro bakaza bagatereramo akabariro, bakanyweramo urumogi, bagatamo n’abana , igiye gusenywa.” Uku gusenywa Ndamage yavugaga akaba ari ukuritema.

N’ubwo umuganda ngaruka kwezi wakorewe muri iri shyamba ugahurirwamo n’aza minisiteri zitandukanye ntaho bagejeje kuko batageze no muri ½ cyaryo.

Iki kibanza cyari icya Rujugiro akaba yaracyambuwe na Leta nyuma yo kumara imyaka irenga itatu nta kintu gikorerwamo ubu hakaba hagiye kubakwa ishami rya Kaminuza ya Oklahoma Christian University yo muri Leta Zunze Ubumwe za Amerika.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved