IGIHE.com > Amakuru > U Rwanda
 Kigali : Abahujwe na Facebook bakomeje gukora ibikorwa byo gufasha abatishoboye

Kigali : Abahujwe na Facebook bakomeje gukora ibikorwa byo gufasha abatishoboye


Yanditswe kuya 15-01-2013 - Saa 10:57' na Karirima A. Ngarambe

Abasore n’inkumi bo mu Rwanda bahujwe na Facebook bitwa « Umumaragahinda » mu mpera z’umwaka wa 2012 barongeye barahura, bakomeza ibikorwa bitandukanye biyemeje birimo no gufasha abatishoboye.

Dusabimana Fulgence w’imyaka 29 utuye i Nyarugenge muri Kigali, umwe muri urwo rubyiruko, yatangarije IGIHE ko mu minsi isoza umwaka wa 2012 bakoze igikorwa cyo gusangira iminsi mikuru y’Ubunani na Noheli n’abababaye kandi batishoboye mu bitaro bikuru bya Muhima. Agira ati "Iki gikorwa cyabaye ku cyumweru tariki ya 23 ukuboza 2012 saa saba z’amanywa kugeza saa kumi. Hakaba hari hateganijwe kurihira amafaranga y’ibitaro, guhemba umubyeyi utishoboye wabyaye mu ijoro ribanziriza iki gikorwa nyirizina no gutanga ibikoresho by’ibanze bifasha abana bakiri impinja."

Akomeza atangaza ko byose babasha kubigeraho mu nkunga ituruka mu banyamuryango n’abandi bagiraneza bifuza kwifatanya na bo, binyuze kuri Konti no."4401080025" iri muri KCB yafunguriwe ibyo bikorwa. Barateganya kuba Foundation yemewe ku rwego rw’igihugu muri uyu mwaka wa 2013, ngo bizabafasha kugera ku ntego bafite y’imishinga myinshi bateganya gukora ifitiye umuryango nyarwanda akamaro. 

Uru rubyiruko rwahuriye kuri Facevook rwatangiye taliki ya 19 Nyakanga 2011 bageze kuri 2,400 ; haba ababa mu Rwanda n’ababa mu mahanga b’urubyiruko, bahujwe no kuganirira kuri facebook, aho ubu tumaze kugera ku 8,788.

Mu bikorwa batangiye harimo gusura abarwayi mu bitaro bitandukanye, nka Kibagabaga na CHUK, gusura imfubyi zasizwe iheruheru na Jenoside yakorewe Abatutsi, kuganira kandi bagashyiraho gahunda y’uko bazajya bahura, mu rwego rwo kubonana no kungurana ibitekerezo ku bari mu Rwanda, abo mu mahanga bo babibagezaho binyuze ku rubuga rwabo « Umumaragahinda » rwo kuri Facebook ".

Binyuze kuri uru rubuga kandi abarugize barahura bagashyiraho amatsinda hanyuma bakemeza icyo bagomba gukora.

Dusabimana avuga ko ikintu kibatera imbaraga zo gukora ibi ari uko bazi ibibazo abantu banyuranye bahura na byo. Agira ati "Ikintu kidutera imbaraga ni uko tuzi ibibazo biri mu bantu, kandi natwe twarafashijwe, bityo twishyize hamwe nk’urubyiruko ngo tugire icyo twakorera abandi badukeneye."

Dore umurongo babarizwaho kuri facebook :
https://www.facebook.com/groups/263890610303469/ 

Uwashaka kuba umunyamuryango cyangwa gutera inkunga yabandikira aciye hano : umumaragahinda@gmail.com

Bamwe mu rubyiruko rwahujwe na Facebook
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO