Kwamamaza

Kigali: Hagaragajwe ibikorwa bishya biteganyijwe i Gahanga na Kimironko

Yanditswe kuya 23-01-2013 saa 16:54' na Umurerwa Emma-Marie
     


Ubuyobozi bw’Umujyi wa Kigali, kuri uyu wa 23 Mutarama 2013 bwashyize ahagaragara igishushanyo mbonera cya Gahanga na Kimironko; ahazakorerwa ibikorwa bitandukanye ariko mbere yo kugira igikorwa kindi muri ibi bice umuturage akaba agomba kubanza kubaza icyo hateganyirijwe ababishinzwe bakumva niba hari aho gihuriye n’ibyateganyijwe.
Umwihariko wa Gahanga [ho mu Karere ka Kicukiro] ni uko hazubakwa amahoteli azajya yakirirwamo urujya n’uruza rw’abava mu mahanga, dore ko ari no ku nzira iva (...)

Ubuyobozi bw’Umujyi wa Kigali, kuri uyu wa 23 Mutarama 2013 bwashyize ahagaragara igishushanyo mbonera cya Gahanga na Kimironko; ahazakorerwa ibikorwa bitandukanye ariko mbere yo kugira igikorwa kindi muri ibi bice umuturage akaba agomba kubanza kubaza icyo hateganyirijwe ababishinzwe bakumva niba hari aho gihuriye n’ibyateganyijwe.

Umwihariko wa Gahanga [ho mu Karere ka Kicukiro] ni uko hazubakwa amahoteli azajya yakirirwamo urujya n’uruza rw’abava mu mahanga, dore ko ari no ku nzira iva ahubakwa ikibuga cy’indege mu Karere ka Bugesera.

Iki gishushanyo kigaragaza ko igice cya Kimironko na Remera mu Karere ka Gasabo kizubakwamo inzu zikorerwamo ibikorwa bitandukanye, amashuri makuru n’inzu z’imyidagaduro. Isoko rya Kimironko risanzwe rizavugururwa rikomeze rikorerwemo.

Umuyobozi ushinzwe imiturire n’imitunganyirize y’umujyi wa Kigali Mupende Uwanziga Lilian, yatangarije IGIHE ko abaturage batuye muri ibyo bice nta gikorwa bagomba gukorera ku butaka batuyemo batabanje gusobanuza ababishinzwe icyo aho hantu hataganyirijwe.

Ati ”Hari inyigo yakozwe yo kubaka amazu aciriritse yo gutuzwamo abaturage batuye mu bice biba byamaze gukorerwa igishushanyo mbonera ku buryo umuturage azajya atuzwa mu gace yari asanzwe atuyemo.Hazanarebwa uburyo umuturage usanzwe akorera ibikorwa runaka muri ako gace yajya akomeza kubikora bijyanye na gahunda y’aho atuye.”

Ku bijyanye n’ishyirwa mu bikorwa ry’igishushanyo mbonera, Mupende avuga ko rigenda rikorwa mu byiciro bitewe n’igihe ababishinzwe baba barihaye.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved