IGIHE.com > Amakuru > U Rwanda
Kigali : Hari abahejejwe mu bwigunge no kutagira imiyoboro y’itumanaho

Kigali : Hari abahejejwe mu bwigunge no kutagira imiyoboro y’itumanaho


Yanditswe kuya 2-04-2013 - Saa 06:14' na Faustin Nkurunziza

Abatuye mu Mudugudu wa Muhabura, Akagari ka Kivugiza Umurenge wa Nyamirambo, akarere ka Nyarugenge bahangayikishijwe no kutagira itumanaho rihagije muri telefoni zigendanwa no kuri mudasobwa.

Kutagira umuyoboro w’itumanaho (network) uhagije kuri telefoni biri mu bihangayikishije abaturage bo mu Mudugudu wa Muhabura. Iki kibazo ngo bakimaranye imyaka irenga icumi.

Musabyimana Claire umwe mu bahatuye, avuga ko babuze abo bashyikiriza iki kibazo usibye kugicisha mu itangazamakuru. Agira ati “Sinumva impamvu tumara igihe kingana gutya tutagira itumanaho rihagije kandi turi muri Kigali.” Itumanaho ry’umurongo wa telefoni ritabageraho uko rikwiye ni irya TIGO, MTN na Airtel bisanzwe bikorera mu Rwanda.

Avuga ko inshuro nyinshi hari igihe byanga kumvikana n’abandi kuri telefoni akazi kabo ntikagende neza. Ikindi ngo ni uko hari abakunze kuhakorera ubukerarugendo bwo kugendera ku mafarashi n’abajya kuhakorera indirimbo z’amashusho bakabangamirwa no gusanga nta muyoboro w’itumanaho uhari.

Twagerageje guhamagara ku murongo wa telefoni ubuyobozi bwa RURA inshuro nyinshi nti byadukundira, kugirango bagire icyo badutangariza ku bijyanye no gukemura icyo kibazo.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO