Kigali : Ikamyo ya Fuso yabirindukiye ku ivatiri

Ahagana saa munani (2 PM) mu mujyi wa Kigali hafi y’Umusigiti w’Abayislamu ku muhanda umanuka ujya ku isoko rya Nyarugenge habereye impanuka y’ikamyo yo mu bwoko bwa Fuso yabirindukiye ivatiri ku gice cy’inyuma ariko ntiyagira uwo ihitana.

Iyi Fuso yari yikoreye ibicuruzwa yari ijyanye ku isoko rya Nyarugenge, yaguye ubwo imvura yari imaze guhita ari na cyo ababibonye bakeka ko cyateye iyo mpanuka.

Umwe mu babonye iyi mpanuka ari na we wafashe amafoto, uzwi nka Maurice yabwiye IGIHE ko nta muntu n’umwe wakomerekejwe n’iyi mpanuka kandi ko inzego z’umutekano wo mu muhanda zahise zihagera ngo zikore iperereza ku cyaba cyateye iyi mpanuka.

Yaguye yose iryamira uruhande rw'i buryo

Uko niko yagwiriye ivatiri yavaga muri Quartier Matheus

Iyi Fuso yaguye ifunga umuhanda uva ku Musigiti ugana ku isoko

Foto/Maurice