Kigali : Umugabo yateye umugore we icyuma mu gitsina

Yanditswe na Nsabimana Emile
Kuya 28 Mutarama 2013 saa 12:48
Yasuwe :
0 0

Umugabo witwa Murwanashyaka Jean Bosco, yaraye ateye icyuma umugore bigeze kubana; akimutera mu gitsina no mu rubavu.
Ibi byabereye mu Mudugudu wa Kamenge mu Kagari ka Nyabugogo mu Murenge wa Kigali ho mu Karere ka Nyurugenge mu Mujyi wa Kigali, ahari hatuye uyu mugore wahise akorerwa ubutabazi akagezwa kwa muganga.
Saa tatu z’ijoro ryo kuri iki cyumweru tariki ya 27 Mutarama 2013 ni bwo byabaye, amakuru yabyo akaba yemezwa n’Umunyamabanga Nshingwabikorwa w’uyu murenge Munyaneza Aimable. (...)

Umugabo witwa Murwanashyaka Jean Bosco, yaraye ateye icyuma umugore bigeze kubana; akimutera mu gitsina no mu rubavu.

Ibi byabereye mu Mudugudu wa Kamenge mu Kagari ka Nyabugogo mu Murenge wa Kigali ho mu Karere ka Nyurugenge mu Mujyi wa Kigali, ahari hatuye uyu mugore wahise akorerwa ubutabazi akagezwa kwa muganga.

Saa tatu z’ijoro ryo kuri iki cyumweru tariki ya 27 Mutarama 2013 ni bwo byabaye, amakuru yabyo akaba yemezwa n’Umunyamabanga Nshingwabikorwa w’uyu murenge Munyaneza Aimable.

Munyaneza yadutangirije ko ari gukurikirana iki kibazo, ariko hagati aho avuga ko komite zishinzwe kurwanya ihohoterwa rishingiye ku gitsina mu midugudu yose zasabwe gukurikirana imibereho n’imibanire mu ngo kugira ngo ibikorwa nk’iki bicike.

Umunyamabanga Nshingwabikorwa w’Umurenge wa Kigali yabwiye IGIHE ko uyu muryango wari usanzwe ubanye neza, hakaba hibazwa impamvu uyu mugabo yaba yatekereje gukora ibi.

Murwanashyaka yigeze kubana n’uyu mugore baza gutandukana, bakaba barabyaranye umwana ubu ufite imyaka ibiri.

Kuri iki cyumweru Murwanashyaka yari yasuye uyu mugore, ngo bamarana igihe kinini mu nzu ariko hashize akanya abaturanyi be bumva aratatse. Bagezeyo ngo basanze umugore ari kuva cyane bahamagara imodoka imujyana kwa muganga, ariko ntibabona Murwanashyaka.

Aba baturage bavuga ko Murwanashyaka n’uyu mugore bari barigeze kugirana ikibazo cy’indezo y’umwana, ari na cyo bakeka ko baganiragaho muri uwo mwanya bari bamaze mu nzu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza