Kigali:Umumotari arakekwaho gushumika ibiro kubera umujinya

Yanditswe na Olivier Muhirwa
Kuya 2 Mata 2013 saa 06:09
Yasuwe :
0 0

Umumotari witwa Rukundo Emmanuel arakekwaho gutwikisha lisansi ibyari mu biro by’Inkeragutabara (Abashinzwe kubagenzura), nyuma y’uko zari zamufatiye ibyangombwa. Abantu batanu bari babirimo basohotsemo biruka, umuriro utwika moto ebyiri, intebe n’akabati.
Ibi byabaye kuri uyu wa Mbere Mata 2013, ubwo uyu mumotari ubarizwa mu Karere ka Nyarugenge, mu Murenge wa Kimisagara, yafatiwe n’Inkeragutabara kuri “Cosmos”, yakwa ibyangombwa bye arabitanga byose.
Inkeragutabara zamusabye ikigaragaza ko (...)

Umumotari witwa Rukundo Emmanuel arakekwaho gutwikisha lisansi ibyari mu biro by’Inkeragutabara (Abashinzwe kubagenzura), nyuma y’uko zari zamufatiye ibyangombwa. Abantu batanu bari babirimo basohotsemo biruka, umuriro utwika moto ebyiri, intebe n’akabati.

Ibi byabaye kuri uyu wa Mbere Mata 2013, ubwo uyu mumotari ubarizwa mu Karere ka Nyarugenge, mu Murenge wa Kimisagara, yafatiwe n’Inkeragutabara kuri “Cosmos”, yakwa ibyangombwa bye arabitanga byose.

Inkeragutabara zamusabye ikigaragaza ko yishyuye umusoro wo kuwa Gatanu, azibwira ko atigeze akora ahubwo ko yari arimo kwimuka. Yajyanwe ku biro bya Koperative Koranumucyo Motari, atumwa ikigaragaza ko yimukaga kugira ngo asubizwe ibye, ntiyakizana.

Rukundo avuga ko yatswe amafaranga y’amande ibihumbi bitatu ndetse n’amafaranga magana atatu yagombaga kwishyura, yanga kuyatanga.

Rukundo ati “Narimfite amafaranga ibihumbi cumi na bitandatu ndimo kuburaho ibihumbi bibiri ngo njye gusora umusoro ku nyungu kuko byari kurangira uyu munsi, ndimo gutekereza ukuntu ngiye gukuramo ibihumbi bitatu, nkumva nabyo ari ikindi kibazo.”

“Batangiye kumbwira nabi ngira umujinya kuko nsazwe nywa itabi. Nahise ngenda nzana lisansi yari yuzuye icupa rya litiro imwe n’igice, nshaka kuyishyira muri moto yanjye nari nabikije ahantu, babonye nyifite mu ntoki hamwe n’ikibiriti bumva ko ngiye kubatwika, bagiye kumfata, si nzi ukuntu nahise ndasa ikibiriti, negereje kuri lisansi umuriro uhita waka. Ubwo bahise basohoka biruka ngo ngiye kubatwika, mpita ndekurira hasi icupa, lisansi isandara mu nzu bimwe birashya.”

Niyomufasha Jacky, Ucunga umutungo, wari umwe muri batanu bari barimo, yagize ati “Yahatwitse ku bushake nk’umuntu wihoreraga, kuko nta muntu n’umwe yateguje ngo asohoke.”

Hahiriyemo moto ebyiri zafashwe n’inkeragutabara, hashya intebe, dore ko n’akabati kari gatangiye gufatwa, nyuma harazimywa. Rukundo ubu afungiwe kuri Station ya Polisi y’i Nyamirambo.

img30669|center>
Amafoto: Emmanuel Kwizera


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza