IGIHE.com > Amakuru > U Rwanda
Kinyinya: Hatashywe ibiro by’Akagari mu kwizihiza isabukuru y’imyaka 25 ya FPR Inkotanyi

Kinyinya: Hatashywe ibiro by’Akagari mu kwizihiza isabukuru y’imyaka 25 ya FPR Inkotanyi


Yanditswe kuya 19-11-2012 - Saa 17:47' na Richard Irakoze

Abanyamuryango ba RPF Inkotanyi bo mu Kagali ka Gasharu, umurenge wa Kinyinya, Akarere ka Gasabo mu mujyi wa Kigali batashye ibiro bishya by’aka kagari biyujurije.

Ni mu muhango wabaye ku wa 17 Ugishyingo 2012, hizihizwa isabukuru y’imyaka 25 umuryango FPR Inkotanyi umaze ushinzwe.

Mu ijambo rye, umuyobozi wa FPR Inkotanyi ku rwego rw’umujyi wa Kigali Fidele Ndayisaba, yashimiye abaturage b’umurenge wa Kinyinya babashije kwiyubakira ibiro by’Akagari bazajya bakoreramo. Yavuze ko uyu murenge usanzwe ufite inyubako ubuyobozi bukoreramo kuva ku mudugudu kugeza ku rwego rw’Umurenge, bityo avuga ko bari mu ba mbere bageze kuri iki gikorwa cy’indashyikirwa.

Inyubako izakorerwamo y'ibiro by'Akagari ka Gasharu yatashywe

Agendeye ku rugero rwo kwiyubakira aho gukorera n’urundi rw’uko utugari twa Kinyinya twose twatanze utundi two hirya no hino mu Rwanda mu kuzuza ibyumba by’amashuri mu burezi bw’imyaka icyenda y’ibanze, umuyobozi w’Umujyi wa Kigali yashimiye imidugudu ya Murama na Gasharu yo muri uyu murenge avuga ko ifata iya mbere mu gushyira mu bikorwa gahunda za Leta.

Albert Musabyimana, umuyobozi w’umuryango FPR Inkotanyi mu Kagari ka Gasharu, yabwiye IGIHE ko abanyamuryango ubwabo ari bo bishyize hamwe bakabasha kwiyubakira ibyo biro nta zindi nkunga zo hanze. Yavuze ko ibi bizakemura ibibazo byinshi bahuraga na byo. Yagize ati “Nk’abanyamuryango twakoreraga mu kagari kandi ducumbitse, twicaye hasi; abanyamuryango ni bo babigizemo uruhare.”

Abayobozi bakuru ba FRP Inkotanyi barangajwe imbere na Mayor Fidele Ndayisaba imbere y'akari katashywe

Uretse gutaha ibiro utu tugari twa Gasharu na Murama twavuze ko twishimira kuba ubu batunze imodoka, bakanavuga ko bamaze gutera intambwe ishimishije mu burezi, mu bukungu n’ishoramari.

Muri ibi birori, bakase umugati wo kwizihiza iyi sabukuru.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO