Kwamamaza
  IGIHE.com

KIST yatanze impamyabumenyi ku banyeshuri 429

Yanditswe kuya 15-01-2013 saa 16:11' na Emma-Marie Umurerwa
     


Ku nshuro ya 11 Ishuri Rikuru ry’Ubumenyi n’Ikoranabuhanga rya Kigali KIST ryatanze impamyabumenyi ku banyeshuri barangije 429 ku wa 11 Mutarama 2013.
Abanyesuri bahawe impamyabumenyi kuri iyi nshuro ya 11, harimo 42 bo mu cyiciro cya gatatu cya kaminuza (Masters) na 387 bo mu cyiciro cya kabiri. . Muri 429 harimo ab’igitsina gore 90 gusa.
Minisitiri w’Uburezi, Dr Vincent Biruta, wari witabiriye uwo muhango yibukije mu ijambo rye ko Leta y’u Rwanda izarushaho gushyira imbaraga mu guteza (...)

Ku nshuro ya 11 Ishuri Rikuru ry’Ubumenyi n’Ikoranabuhanga rya Kigali KIST ryatanze impamyabumenyi ku banyeshuri barangije 429 ku wa 11 Mutarama 2013.

Abanyesuri bahawe impamyabumenyi kuri iyi nshuro ya 11, harimo 42 bo mu cyiciro cya gatatu cya kaminuza (Masters) na 387 bo mu cyiciro cya kabiri. . Muri 429 harimo ab’igitsina gore 90 gusa.

Minisitiri w’Uburezi, Dr Vincent Biruta, wari witabiriye uwo muhango yibukije mu ijambo rye ko Leta y’u Rwanda izarushaho gushyira imbaraga mu guteza imbere ubumenyingiro, hitabwa ku mashuri yigisha ibijyanye n’ikoranabuhanga. Kandi n’abarezi mu gihugu abasaba kubyumvisha abanyeshuri.

Ati”Abayobozi b’amashuri makuru n’ayisumbuye turabasaba kurushaho kugira uruhare mu gusobanurira abanyeshuri, kugira ngo bamenye icyo bagomba kwiga kijyanye n’igikenewe ku isoko ry’umurimo”.

Umuyobozi wa KIST, Dr Mujawamariya Jeanne d’Arc yashimiye abanyeshuri barangije imbaraga bakoresheje kugira ngo bagatsinde amasomo yabo.

Dr Mujawamariya akomeza avuga ko KIST aho igeze ibikesha inama Perezida wa Repuburika y’u Rwanda, Paul Kagame abagira, z’uburyo barushaho guharanira kuba indashyikirwa mu gutanga ubumenyi bufite ireme, mu Karere ka Afurika y’i Burasirazuba u Rwanda ruherereyemo.

DR Mujawamariya yaboneyeho no gushimira abanyeshuri baturuka mu bihugu byo mu karere barangije muri KIST, abasaba kuzabyaza umusaruro ubumenyi bavomye mu Rwanda.

Dr Ephrem Kabayija, umuyobozi w’inama y’ubutegetsi muri KIST, yabwiye abanyeshuri barangije, ko bakwiye gufata iya mbere bagahanga imirimo, bagaharanira gutanga akazi aho gusaba akazi.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved