IGIHE.com > Amakuru > U Rwanda
 Kuvura umurwayi ni byo biza mbere yo kumwishyuza -Dr Uzziel Ndagijimana

Kuvura umurwayi ni byo biza mbere yo kumwishyuza -Dr Uzziel Ndagijimana


Yanditswe kuya 30-01-2013 - Saa 07:37' na Olivier Rubibi

Umunyamabanga uhoraho muri Minisiteri y’Ubuzima, Dr. Uzziel Ndagijimana, yavuze ko nta muntu ugomba kutavurwa azanywe kwa muganga arembye ngo n’uko adafite mitiweli.

Dr Uziel yabitangaje mu kiganiro yagiranye n’Abanyamakuru kibanze ku itangwa ry’ubwisungane mu kwivuza, ku wa 29 Mutarama 2012, cyari kirimo n’ushinzwe ingengo y’imari muri Minisiteri y’Imari n’Igenamigambi, Elias Baingana, n’ushinzwe ubwisungane mu kwivuza, Andrew Makaka.

Dr. Uzziel Ndagijimana yavuze ko iyo umuntu arwaye arembye icyangombwa kiruta ibindi ari ukubanza kuvurwa ibyo kwishyuza bikaza nyuma.

Umunyamabanga uhoraho muri Minisiteri y’Ubuzima, Dr. Uzziel Ndagijimana

Minisiteri ivuga ko hari ubshobozi bwo kuba abarwayi bose bafashwa.

Kugeza ubu ngo ubwisungane mu kwivuza bumaze gutangwa ku kigero cya 69,5% guhera mu kwezi kwa Nyakanga umwaka ushize kugeza ubu.

Muri iki kiganiro ibibazo byabajijwe bikaba byibanze ku buryo ubwisungane mu kwivuza butangwamo, aho ubu bwisungane bugomba gutangwa ku muryango wose nta muntu n’umwe usigaye.
Nk’uko byabajijwe n’Abanyamakuru, bibanze ku bufasha Leta yaha umuryango utangiye abana bacye abandi ntugire ubushobozi bwo kubatangira.

Dr. Uzziel Ndagijimana yavuze ko itegeko rishyiraho ubwisungane mu kwivuza (Mutuelle de Sante) rivuga ko buri munyarwanda akwiye kugira ubwisungane mu kwivuza abadafite ubushobozi bakamenyekana Leta ikabafasha ntihagire n’umwe usigara.

Dr. Uzziel Ndagijimana yavuze ko ubwisungane butangiwe ku bantu bamwe mu muryango intego y’uko buri mu nyarwanda yatunga ubwisungane mu kwivuza yaba igezweho.

Ku kijyanye no kwivuriza mu gihugu hose k’ufite hatitawe ku ho umuntu yishyuriye mitiweli, Dr. Uzziel Ndagijimana yavuze ko byatangiye ngo nta muntu ukwiye kuremba kuko yavuye muri Gasabo akajya i Rusizi akarwarirayo.

Dr. Uzziel Ndagijimana yavuze ko ku mafarangwa atangwa mu turere y’ubwisungane mu kwivuza 10% yayo azamuka ku rwego rw’igihugu kugira ngo azafashe kwishyura imyenda y’abantu baba barivurije ku bindi bitaro bitari aho batangiye ubu bwisungane.

Elias Baingana ushinzwe ingengo y’imari muri Minisiteri y’imari n’Igenamigambi yavuze ko ubwisungane mu kwivuza butangwa neza uko bikwiye.

Baingana yongeyeho ko amafaranga atangwa mu bwisungane amenshi aturuka mu Banyarwanda.

Kuri miliyari 31 z’amafaranga y’u Rwanda azatangwa mu bwisungane mu kwivuza muri uyu mwaka, miliyari 24 zizaturuka mu baturage Leta itange miliyari indwi.

Baingana ushinzwe ingengo y'imari muri MINECOFIN na Andrew Makaka ushinzwe mitiweli


Amafoto/ Steven Ndizeye

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO