IGIHE.com > Amakuru > U Rwanda
  Kwibuka Jenoside yakorewe abatutsi ntibigomba guharirwa bamwe-CNLG

Kwibuka Jenoside yakorewe abatutsi ntibigomba guharirwa bamwe-CNLG


Yanditswe kuya 3-04-2013 - Saa 08:24' na Eugenie Umuhoza

Mu kwitegura kwibuka Jenoside yakorewe Abatutsi mu 1994, Ikigo cy’igihugu gishinzwe kurwanya jenoside (CNLG), kiributsa abantu bose kuzitabira ibikorwa biteganyijwe byo kwibukira aho batuye.

CNLG yibutsa abntu bose kuzitabira, nyuma y’aho hari abagera mu gihe cy’icyunamo bakigira nk’aho bo bitabareba, nta mpamvu banagaragaza.

Gatabazi Claver , ushinzwe ibikorwa byo kwibuka muri CNLG yasabye ko inzego zose zirebwa no gutegura igikorwa cyo kwibuka bagomba kwibutsa abaturage ko icyo gikorwa kireba buri muntu wese

Yagize ati ’’Mu gihe cyo kwibuka Jenoside yakorewe abatutsi, usanga hari bamwe mu baturage bumva ko bitabareba, ugasanga bigumiye mu ngo zabo bakumva ko icyo gikorwa kireba abacitse ku icumu bonyine.”

Gatabazi yakomeje avuga ko mu gihe cyo kwibuka ku nshuro ya 19 Jenoside yakorewe abatutsi, hafashwe ingamba z’uko icyo gikorwa kireba buri wese ku buryo umuturage uzajya asiba azajya atanga impamvu hakiri kare ituma atifatanyije n’abandi kwibuka mu mudugudu atuyemo.

Gatabazi avuga ko mu bihe byashize hari abantu bagaragarwaho no kwigira muri gahunda zabo, igikorwa kikaba nk’ aho ari icy’abacitse ku icumu gusa, bikababaza, bikabasubiriza inyuma ubuzima.

Insanganyamatsiko yo kwibuka Jenoside yakorewe Abatutsi ku nshuro ya 19 bizizihirizwa ku rwego rw’Umudugudu ni “Twibuke Jenoside yakorewe abatutsi duharanira kwigira.”

Jenoside yakorewe abtutsi mu 1994 yahitanye abasaga miliyoni, igira benshi imfubyi,abapfakazi n’inshike.

Gatabazi Claver, ushinzwe ibikorwa byo kwibuka muri CNLG
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO