IGIHE.com > Amakuru > U Rwanda
Matheus : Ikamyo yabuze feri igonga imodoka eshatu na zo zigonga umukarani

Matheus : Ikamyo yabuze feri igonga imodoka eshatu na zo zigonga umukarani


Yanditswe kuya 28-01-2013 - Saa 16:16' na Vénuste Kamanzi

Mu gice cy’ubucuruzi cyo mu Mujyi wa Kigali kizwi ku izina rya Quartier Matheus, imodoka yo mu bwoko bwa Dyna ifite pulaki RAB 597 yabuze feri ubwo yazamukaga iruhande rw’isoko rishya rya Nyarugenge isubira inyuma igonga imodoka eshatu zari ziyikurikiye kuri uyu wa 28 Mutarama 2013.

Uku ni ko imodoka zagonganye nyuma yo kugongwa nyuma yo kugongwa n'iyo mu bwoko bwa Dyna

Imodoka zari ziyikurikiye na zo zahise zigonga umukarani wari uri mu kazi, ababibonye bakaba bavuga ashobora gupfa.

Nk’uko twabitangarijwe n’ababonye iyi mpanuka iba, ubwo iyi modoka yazamukaga yahuye n’izindi biba ngombwa ko umushoferi afata feri, ariko kubera uburyo yari iremererewe biyinanira guhagarara itangira gusubira inyuma ; igonga imodoka zari ziyikurikiye.

Iyi ni imwe mu modoka zagonganye bitewe n'ikamyo

Ubwo izi modoka zagendaga buri yose yasubiraga inyuma ikagonga iyikurikiye, zahise zigonga umukarani witambukiraga.

Umwe mu bakarani bakoranaga n’uwagonzwe bakunda kwita Porokireri, yadutangarije ko imbangukiragutaba yahise ihagoboka bakamujyama muri CHUK ariko ngo kuba nta gikomere yagaragazaga kandi bamugonze bikabije ntibibaha icyizere cy’uko aza kurokoka bakazongera kumubona mu mu kazi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO